Popular Bible Verses from Marka 6

Share

Kambe a va nga ri na nkarhi wa ku dya, hikuva vanhu lavo tala a va ta, va tlhela va famba. Kutani Yesu a ku ka vona: “Tanani hi ya tshama hi ri hexe emananga, mi ta kota ku wisanyana.”

Yesu a ku ka vona: “Muprofeta a nga soriwi, loko ku nga ri etikweni ra yena, ni karikwavo, ni le maxakeni ya yena.”

Loko Yesu a huma ebyatsweni, a vona ntshungu lowukulu wa vanhu, a va twela vusiwana, hikuva a va fana ni tinyimpfu leti nga riki na murisi; kutani a va dyondzisa leswo tala.

Kutani a tsandzeka ku endla mahlori kona, loko ku nga ri ku hanyisa vavabyi va nga ri vangani, hi ku va tlhandleka mavoko. Naswona a hlamala hi ku vona leswaku a va nga ri na ku pfumela. Kutani a rhendzeleka ni miti leyi nga kusuhani, a ri karhi a dyondzisa.

Kavaloko a teka swinkwa swa ntlhanu ni tinhlampfi timbirhi, a languta henhla etilweni, a nkhensa, a phema swinkwa, a nyika vadyondzisiwa va yena leswaku va swi veka emahlweni ka vanhu, ni tinhlampfi timbirhi a ti avela hinkwavo. Va dya hinkwavo, va xurha. Kutani va rholela mahlanhla ni swihluvi swa tinhlampfi va tata swirhundzu swa 12.