Popular Bible Verses from Marka 5

Share

Yesu a ku ka yena: “N'wananga, ku pfumela ka wena ku ku hanyisile, famba hi ku rhula, ntshunxeka enhlomulweni wa wena.”

Kambe a ku ri ni wansati loyi a a ri ni vuvabyi bya ngati, a vabyile malembe ya 12; a a xanisekile ngopfu emavokweni ya tin'anga leto tala; a a hetile xuma xa yena hinkwaxo, kambe a swi n'wi pfunanga nchumu, hikuva vuvabyi a byi ya byi kula.

Kutani hi nomu lo ngati ya yena yi yima yi nga ha humi, a titwa emirini wa yena leswaku vuvabyi bya yena byi horile.

Kutani a khoma nhwanyana hi voko, a ku ka yena: “Talita, kumi!” hileswaku: “Nhwanyana, ndzi ri ka wena, pfuka!”

A ku a ha vulavula, vanhu lava humaka ekaya ka murhangeri wa sinagoga va fika va byela murhangeri wa kona va ku: “N'wana wa wena ú file, wa ha n'wi karhatela yini Mudyondzisi ke?” Kambe Yesu a nga landzelelanga marito lawa, kutani a ku ka murhangeri wa sinagoga: “U nga chavi, pfumela ntsena.”

(A a vula sweswo, hikuva Yesu a a te ka yena: “Huma eka munhu loyi, we moya wa thyaka!”) Kutani Yesu a n'wi vutisa, a ku: “Vito ra wena u mani?” A hlamula a ku: “Vito ra mina ndzi Vandla, hikuva hi tele.”