Popular Bible Verses from Mak 16

Share

Nɩɩ Yesu tɔwɛ bamʋ yɛ, “Fan kpee dulinyaa tɔ katɩn kʋmaa naa tɔwɛ asɩn danbɩrasa mʋ sa daadimaadi.

Bamʋ nɩɩ ba kɔɔlɛ gyii mʋ falɛ ɩsɩnkaala ii biti i buu bamʋ. Lɩɩ mɛ kɩtɩɩ tɔ sʋ mʋ, bee biti ba gya nbwɩɩ libi, kɛ ba tɔwɛ ntɔwɛ pʋpwɛ. Fɛɛ nɩɩ ba kan kɩtaa anansɛ tɔ abɛɛ ba kan nuu kʋbwɛ gbaa mʋ, ɩ mɛɛ yɛ ɩ waa bamʋ sɛhn. Bee biti ba taa bamʋ abaa gyaga alɔpʋ sʋ kɛ ba nyɛ alanfɩya.”

Ɔkʋmaa mʋ nɩɩ ɔ kɔɔlɛ gyii, nɩɩ ba gyee mʋ Ɩbwaarɛ kekyugyee mʋ, ee biti ɔ nyɛ kamɔlɩgɛ. Amaa ɔkʋmaa mʋ nɩɩ ɔ man kɔɔlɛ gyii mʋ, bee biti ba bun mʋ lewu kʋpwɛ.

Nɩɩ Yesu abɩɩlapʋ ba kpee katɩn kʋmaa naa tɔwɛ asɩn danbɩrasa mʋ, yɛgɛ Ɔnyɩrɩpɛ Yesu ɔlʋn tii bamʋ sʋ, nɩɩ ba waa adangana, nɩɩ ɩ kaapʋ fɛɛ bamʋ asɩn danbɩrasa katɔwɛ mʋ ɩ gyɛ kesintin.

Nɩɩ kɩyaafɔlɛ mʋ yɛ, “Fan man yɛgɛ fanɛ nkɔlɔ ɩ ŋmaa fanɛ. N nyi yɛ Yesu mʋ nɩɩ ɔ lɩɩ Nasareti, mʋ nɩɩ ba da mʋ oyu laasa sʋ mʋ nɩɩ fen biti. Ɔ man bʋ nfɩɩ. O kyiŋi lɩɩ lewu tɔ. Fan kɩɩ, nfɩɩ nɩɩ ba daa taa mʋ yɩla.

Ba maa kɩɩ mʋ, ba wu fɛɛ kubuu mʋ kɩ tɛɛ wʋla gbiliti kɩ dɛ. Nɩɩ ba loo kakyan mʋ tɔ, nɩɩ ba wu kɩyaafɔlɛ kʋ maa bun atɔ fufuli ɔ tɛ kakyan mʋ tɔ gyisa sʋ, nɩɩ bamʋ nkɔlɔ ɩ ŋmaa bamʋ.