Popular Bible Verses from Markus 13

Share

Ɓwapǝndǝa kat nǝ̀ ɓinǝmǝsǝ wun acemǝnana wu ndaka amǝ kpatam ngga, sǝ ɓwa mana shak minǝì kàngkàng, aɓa guli a rǝam aban ká a masǝlǝate ka, ɓwe nǝ̀ auwa.

Wu do aɓa gilǝrǝu, wu dum nǝ mǝsǝ wun; acemǝnana wu surǝ pwari mǝnana bu-pwari mǝno nǝ̀ yiu nǝi ka ɗang.

Sǝ ɓǝa bwal wun, à warinǝ wun aɓa ɓashi ka, ɓǝ̀ ɓalǝ wun ɓǝ̀ kǝa akdǝmbǝa kasǝkya arǝ cau mǝnana wu nǝ̀ na ka ɗang. Kǝ cau mǝnana à nǝ̀ pa wun a ɓabum wun àkǝ̀ banì ka, nda wu nǝ̀ na ka. Acemǝnana wu nda wu nǝ̀ na ce ka ɗang, Bangŋo Mǝfele na.

Nzali andǝ kuli ka tea nǝ̀ malâ, sǝ cau mem ngga te pà nǝ̀ mal ɗang.

Kǝ ɓwa surǝ pwari ko bu-pwari mǝnana agir mǝnia nǝ̀ ngga pang nǝi ka ɗang. Amǝturonjar mǝnana a kuli gbal ka, à surǝì ɗang. Nggearǝ mim Muna mala Ɓakuli ka, ǝn surǝì ɗang. Kǝ Tárram nǝmurǝì nda mana sǝlǝ ka.

Ɓǝ̀ wu ok ce a'lwa ko na'ongŋale amur cau mala a'lwa ka, ɓǝ̀ ɓalǝ wun ɓǝ̀ kǝa kasǝki ɗang. Amǝnia yì agir ka dumǝna púp à nǝ̀ pa, sǝ masǝlǝata ɓanza ka nda peatu, nǝ̀ yiu.

Ace mani ka, wu do aɓa gilǝrǝu, acemǝnana wu surǝ pwari mǝnana Mǝtala ɓala nǝ̀ nyar nǝi ka ɗang. Ko nǝ pwarikpana, ko nǝ ɓadu, ko nǝ ɓua mala nggu, ko nǝ dǝmbari. Sǝ ɓǝ̀ yiu nǝ gya yasǝlǝban ngga, ɓǝ̀ kǝa kum wun a ntulo ɗang. Mǝ ndarǝ na wun cau mana ǝn nggǝ ne koyana le ka, wu dum nǝ mǝsǝ wun aɓa gilǝrǝu!

Ɓe kun nǝ̀ lo nǝ lwa arǝ ɓe kun, sǝ nzalimurǝm nǝ̀ lo nǝ lwa arǝ ɓe nzalimurǝm. Dǝurǝo mala nzali nǝ̀ pa arǝ aban ɗàngɗáng aɓa ɓanza, sǝ nzala gbal ka nǝ̀ kpa. Sǝa ma, amǝnia ka tita gir'murmwana na peatu.

Sǝ Cau Amsǝban ngga, nda gir mana dumǝna púp à nǝ̀ hamnǝi atadǝmbe arǝ anzali kat ka.

Aɓwana pas nǝ̀ yiu à nǝ̀ nggǝ bangŋa ama, “Mǝ nda Kǝrǝsti.” À nǝ̀ pakturo nǝ lullǝam à nǝ̀ ɓosǝki aɓwana pas.

Wu do nǝ yal ɓamur rǝ wun! À nǝ̀ oasǝki mur wun aban amǝ ɓashi, à nǝ̀ kwak wun arǝ andakpapi. Sǝ acemǝnana wu nda ka amǝ kpatam ngga, à nǝ̀ kánǝ wun a ɓashi a ɓadǝmbǝa anggwamna andǝ amurǝma. Aɓa mǝno anggo ka wu nǝ̀ kumo wu nǝ̀ duk amǝ'nakunam abania.

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ purkio, à nǝ̀ pakki agir-lǝmndǝa andǝ agir-ndǝlǝki ɗàngɗáng, ace ɓosǝki aɓwana mǝnana Ɓakuli tarkia ka, ɓǝa à nǝ̀ gandǝi ka.

Aɓalǝ amǝno yia anonggeo anzǝm nggea tanni ka, À nǝ̀ kongsǝ pwari aɓa pǝndǝa. Sǝ zongŋo ka pà nǝ̀ ta ɗang. Anlero nǝ̀ pur a kuli à nǝ̀ sukkio. Agir mǝgulke mǝnana a kuli ka, à nǝ̀ dǝurǝkya.