Popular Bible Verses from Matiu 7

Share

Wu zǝmbǝa aban Ɓakuli, nǝ̀ pa wun; wu alte a bu Ɓakuli, wu nǝ̀ kumo; wu wali Ɓakuli kunkurǝm, nǝ̀ mǝnba wun.

Ɓwa mǝnana kat zǝm ngga à nǝ̀ pe wi; ɓwa mǝnana alte ka nǝ̀ kumo; sǝ ɓwa mǝnana wal kunkurǝm ngga, à nǝ̀ mǝnmbi wi.

Ace mani ka, ɓwa mana kat kǝ ok amǝnia yì acau mem sǝ kǝ kpatea kǝ pea ka, à nǝ̀ kànì arǝ ɓwa mǝsǝle mǝnana ɓak ɓala male amur tali ka.

Aɓa gir kat ka, pakki aɓwana agir mǝnana a earkiyice ama ɓǝa pakko ka. Mǝnia ka nda ɓa Nggurcau mala Musa andǝ kanigir mala amǝ'ɓangna mala Ɓakuli.

Sǝ kunɓala ká yilǝmu ka mǝɓweari na, sǝ tanjari ka mǝkwane na. Aɓwana mǝnana à kǝ kumi ka, à lakki ɗang.

Wu kuti nǝ kunɓala mǝɓweari, acemǝnana kunɓala ká lu-bǝsa ka mǝtangŋe na, sǝ tanjari ka kwan ɗang. Aɓwana pas sǝ à kǝ kuti a njari.

Kat andǝ ɓealɓikea ma'wun ngga wu sǝlǝ pe amuna ma'wun aɓoro mǝɓoarne, sǝ nǝ Tár wun mǝnana a kuli ka? Ndanǝ ɓabum mana ɓoaro kutibanì ka nǝ̀ pe aɓwana mǝnana à zǝmbǝi wi ka, agir mǝɓoarne!

Wu kǝa pakki aɓwana ɓashi ɗang, ace mǝnana Ɓakuli ɓǝ̀ kǝa pakka wun ɓashi raka. Kǝla mǝnana wu kǝ ɓashia aɓwana ka, anggo sǝ Ɓakuli nǝ̀ ɓashia wun; sǝ kǝla mǝnana wu kǝ pang nǝ aɓwana ka, anggo sǝ Ɓakuli nǝ̀ pang nǝ wun.

Sǝ ɓwa mana kat kǝ ok amǝnia yì acau mem sǝ kǝ kpatea raka à nǝ̀ kànì arǝ gǝmɓwa mǝnana ɓak ɓala male amur sala ka.

Ace mana sǝ a kǝ sǝn kǝkar mǝnana a mǝsǝ ɓeo ka, sǝ a sǝn gbǝlanggun mǝnana aɓa mo yì mǝsǝu ka ɗang? Ɓǝ̀ a na raka, lang sǝ a nǝ ne ɓeo ama came mǝ pusǝ kǝkar a mǝsǝo, sǝ we ka nggea gbǝlanggun na gaurǝ a mǝsǝo ka?

Wu tsǝk kir wun arǝ amǝ'ɓangna mǝ'nyirì. Pak ka à kǝ ɓosǝki rǝia kǝla anzur, sǝ mǝsǝrǝia ka anvwa bondo mǝlulle na. Wu nǝ̀ surǝia arǝ aturo malea. Zwe pa nǝ̀ pusǝ ɓǝla anap ɗang. Sǝ imdi pa nǝ̀ ɓǝl vwari ɗang.

Anggo gbal ko ya nggun mǝɓoarne ka kǝ pusǝ ɓǝle mǝɓoarne, sǝ nggun mǝɓane ka kǝ pusǝ ɓǝle mǝɓane.

Nggun mǝɓoarne pa nǝ̀ pusǝ ɓǝle mǝɓane ɗang, sǝ nggun mǝɓane pa nǝ̀ pusǝ ɓǝle mǝɓoarne ɗang.

Nggun mǝnana kat pusǝ ɓǝle mǝɓoarne raka à nǝ̀ kasǝi à nǝ̀ turi a bǝsa.