Popular Bible Verses from Luka 8

Share

Sǝ amǝsǝɓeale mǝnana a nzali mǝɓoarne ka, à ndaka aɓwana mǝnana à ok cau sǝ à bwali nǝ ɓabum mǝɓoarne mǝɓafoe ka. À lidǝmbǝa aɓa gandǝrǝu, sǝ cau pusǝ ɓealǝu mǝɓoarne aɓalǝia.

Amǝsǝɓeale mǝnana à kpa aɓalǝ azwe ka, à ndaka aɓwana mǝnana à ak cau mala Ɓakuli, sǝ nǝ nzǝmo ka aɗenyicau mala doɓanza andǝ alta kume, sǝ bumpina arǝ kum banɓoarnado mala gir ɓanza, yi tsǝa ko à ɓǝl ɗang.

Amǝnana amur tali ka, à ndaka aɓwana mǝnana à ok cau ka, à é nǝ bumpwasǝa, sǝ cau kum kutio a ɓabumia ɗang. Paɓamuru malea ka banì sau ɗang, pwari karǝkiban yiu ka kara à kpa.

Yesu pǝlǝa ɗi alaggana male ama, “Guliarui ma'wun na ke?” Ɓangciu pakkia wia, à ndali pǝlǝa à ɗi rǝarǝia ama, “Ya ɓwa nda man, mǝnana sa arǝ gung andǝ mur, pǝlǝa à oki wi ka!”

Amǝsǝɓeale mǝnana à kpa mur njargula ka, à ndaka aɓwana mǝnana a o, sǝ Shetan yiu yi pwan cau mǝnana a ɓabumia ka, ace mǝnana ɓǝa kǝa pà ɓamuria ɓǝa kum auwa ɗang.

Kǝgir pà kàm a sǝmbǝrǝa mǝnana à pà nǝ̀ pusǝ ce raka, sǝ kǝgir pà kàm mǝnana à nǝ̀ gir ce, mǝnana à pà nǝ̀ surǝì ko tè pà nǝ̀ pur raka.

Lang mɓwama man sǝnǝni te no nǝ̀ pur ka, puro rǝì kǝ ɓǝla, yi kpa a ɓadǝm Yesu. A ɓamǝsǝ ɓwabunda kat, bang tǝr gir mana tsǝi sǝ je Yesu, andǝ kumo mǝnana kum rǝpwala àkǝ̀ banì ka. Sǝ Yesu ne wi ama, “Ɓoarnsarilem, guliarǝu mo twalǝno ban rǝkwana mo, o aɓa rǝpwala.”

Alaggana wario à kya loasǝkì a ntulo ama, “Ɓwamǝgule, Ɓwamǝgule, sǝm ndo sǝm nǝ̀ ko!” Yesu lo pǝlǝa sà arǝ gung andǝ mur mǝnana gung kǝ loasǝki ka. Kara gung kur kǝkǝs, ban nyare pwal ɗǝong.