Popular Bible Verses from Yoane 16

Share

Namababwira emyatsi eyĩ imwabana Obuholo busana nʼerimatikana nage. Omo kihugo mwasyabana erĩendererĩbwa. Nĩkwa muhande emitima! Nabĩrĩkĩnda ekihugo!

Nĩkwa omugulu Omũlĩmũ wʼomwatsi wʼekwenene asyasa, iye asyabasondola omo myatsi yosĩ yʼekwenene, kusangwa siendĩsyabũga omo hamũlĩ yiwe ĩyowene, nĩkwa asyababwira ebyo akowa, kandi asyabatũlĩra emyatsi eyo eyĩkandĩsyahĩka.

Erĩhĩka lino, sĩmwetabũlyakĩ omo lĩna lyage; mũbũlaye, neryo mwasyabanakyo, obutseme bwenyũ butoke erĩhĩkana.

Ngababwira omwatsi wʼekwenene nyiti, Lyowene busana nenyũ inagenda, kusangwa namatendigenda, Omũwatĩkya isiendisyabahĩkako. Nĩkwa namagenda nasyabatumiraye. Naye asyabya asa, asyasĩnga ekihugo busana nʼebibi, kandi busana nʼomwatsi wʼebitunganene, kandi busana nʼomwatsi wʼeritswera lya Nyamuhanga.

Neryo, nenyũ nibya muli nʼobũlĩge lino; nĩkwa nasyaswabalolako kandi, nʼemitima yenyũ yasyatsema, kandi sihali mundu oyo wasyabasagula obutseme bwenyũ. Neryo oko kiro ekyo sĩmwendĩsyanyĩbũlyakĩ. Kwenene, kwenene ngababwira, Ekĩndũkĩ mwasyabũlya Tata, asyabahakyo kusangwa muli biga bage.

Kwenene, kwenene ngabũga nenyũ nyiti, Mwasyalira nʼerilaka, nĩkwa ekihugo kyasyatsema. Mwasyabya nʼobũlĩge, nĩkwa obũlĩge bwenyũ bwasyahinduka mo butseme.