Popular Bible Verses from Makö 5

Share

"Kɛɛ 'yö Yesu ‑ya pö‑ ‑dhɛ: «N "tɛado, i ‑bha 'dhang bho n "dhiʋ̈ ‑sü ꞊në i dha bha. ‑Bhö i ‑bha 'dho wo i 'flëë‑ 'gü, 'bha kë "klʋ̈ʋ̈klʋ̈.»

Yaa" kë 'wo‑ wo sië bha, dhebhɔ do 'bha ‑ya ‑nu kpö 'gü mü, ꞊yɔɔn yën ‑yua 'ö zun‑ ‑bha ‑a ‑kwɛ ꞊ya ꞊mɔɔ ‑kaɔng do ga ꞊plɛ ‑nu ‑bha. ꞊Yaa‑ kë ‑dho ‑dhɔtrɔɔ ‑nu "piʋ̈ ‑sü 'ka ‑a 'gü ꞊ya ga. ‑A ꞊kwɛɛ ꞊gbaan ꞊wɛnng ö ‑dɩ ‑pë kë ‑sü ‑ta ‑dhɔtrɔɔ ‑nu "piʋ̈, "kɛɛ kö‑ 'bha 'yii 'wɔn 'kun do, ‑a "yua 'bha ꞊në ‑da 'gü ‑kpɛawo 'ö dho‑ 'ka.

'Ö ö ‑kɔ pa‑ ‑bha sɔ 'ka ‑dhɛ do 'ö‑ 'gü 'pö bha, ‑yö ‑to mü 'ö‑ ‑bha "yua bha 'ö bo, 'ö yöö ꞊dede 'ö 'dhang bho‑ "dhiʋ̈ ꞊dhɛ 'ya kë "klʋ̈ʋ̈klʋ̈ 'kpakpadhö.

'Yö dho 'ö 'në bha‑ kun‑ ‑kɔ ‑bha 'ö‑ pö‑ ‑dhɛ (eblö ‑wʋ 'gü) 'ö‑ pö: «Tadhita kumi!» ꞊Waa‑ pö "dhʋ̈ kö ‑wa pö: «'Nëdhiëngnë, ma ꞊në 'a‑ pö, ‑bhö "wlü!»

Dhiang bha ‑yö ‑to Yesu "dhi, 'yö mɛ ‑yö go Zɛdhiusö ‑gɔ 'kɔɔdhö, 'yö 'wo nu 'wo‑ pö Zɛdhiusö ‑dhɛ: «Yi Dëmɛ, 'bha 'dho kwa Dëmɛ ziö "yɛ 'gü "wɛɛwɛɛ, i 'dhu 'yaa mü 'zü, "kɛɛ ‑a pö 'wo‑ wo "dhʋ̈ bha, 'yii 'dho Yesu ꞊gbin‑, 'yö‑ pö Zɛdhiusö ‑dhɛ: «‑A 'to "dhʋ̈ ꞊zɔɔ 'dhɛ, 'bha 'dho "suʋ̈, ‑bhö 'dhang bho n "dhiʋ̈ doseng!»

꞊Dhɛ 'ö Yesu yö kö ‑yö nu sië ‑dhɛ ꞊gblɛɛn 'gü, 'yö dho‑ ‑gɔ zian‑ ‑bɛang 'ka. ꞊Dhɛ 'ö dho 'ö ꞊loo‑ ‑dhɛ 'gü, 'yö Yesu ‑ya pö "yina yaa 'ö gun gɔndënë bha‑ 'gü bha‑ ‑dhɛ 'ö‑ pö: «‑Bhö 'go 'mɛ bha‑ 'gü 'kii ziö!» 'Yö 'mɛ bha 'ö zun Yesu ‑dhɛ ö kpiö 'gü, 'yö "yina 'ö gun‑ 'gü bha 'ö ꞊gbla "gbɩɩ‑ 'ka 'ö‑ pö: «'Kwa ma mü, Atanna 'ö dhang‑ 'gü ‑a Gbö Yesu? Bhɛa" ꞊në 'a‑ wo i ‑dhɛ kö i dɔ "gbɩɩ‑ kö 'i‑ kë Atanna ‑dhɛ kö 'bha 'dho n kë ‑kɔ 'bha 'gü ‑dhe!» 'Yö Yesu ‑ya dhɛɛ" kpɔ 'ö‑ pö: «I 'tɔ‑ de?» 'Yö‑ pö: «‑Wo n ‑dhɛ ‑gblü "dhaa, ‑a ‑gɛn ‑mü ꞊dhɛ yi 'gbɛ ‑ziisü.»