Makö 5:6-9

꞊Dhɛ 'ö Yesu yö kö ‑yö nu sië ‑dhɛ ꞊gblɛɛn 'gü, 'yö dho‑ ‑gɔ zian‑ ‑bɛang 'ka. ꞊Dhɛ 'ö dho 'ö ꞊loo‑ ‑dhɛ 'gü, 'yö Yesu ‑ya pö "yina yaa 'ö gun gɔndënë bha‑ 'gü bha‑ ‑dhɛ 'ö‑ pö: «‑Bhö 'go 'mɛ bha‑ 'gü 'kii ziö!» 'Yö 'mɛ bha 'ö zun Yesu ‑dhɛ ö kpiö 'gü, 'yö "yina 'ö gun‑ 'gü bha 'ö ꞊gbla "gbɩɩ‑ 'ka 'ö‑ pö: «'Kwa ma mü, Atanna 'ö dhang‑ 'gü ‑a Gbö Yesu? Bhɛa" ꞊në 'a‑ wo i ‑dhɛ kö i dɔ "gbɩɩ‑ kö 'i‑ kë Atanna ‑dhɛ kö 'bha 'dho n kë ‑kɔ 'bha 'gü ‑dhe!» 'Yö Yesu ‑ya dhɛɛ" kpɔ 'ö‑ pö: «I 'tɔ‑ de?» 'Yö‑ pö: «‑Wo n ‑dhɛ ‑gblü "dhaa, ‑a ‑gɛn ‑mü ꞊dhɛ yi 'gbɛ ‑ziisü.»