Popular Bible Verses from Zan 15

Share

Ma ꞊në 'a ꞊dhɛ ‑drɔɔ ‑dhü ꞊dede 'dhö, 'yö ka ‑zë 'ka ꞊dhɛ n ‑gbeng ‑nu 'dhö. 'Mɛ 'ö ꞊ya 'to ‑kplü ‑sü 'ka n ‑bha 'ö mang ‑dɩ 'pö n ‑kɔ 'dhö‑ ‑mɛ ‑bha, 'ö yi ‑wʋ 'dhö do, ‑yö ‑dho bha ꞊dedewo. ‑A pö 'a‑ wo "dhʋ̈ bha‑ ‑gɛn ‑mü ꞊dhɛ 'kaa ꞊mɔɔ‑ ‑bha kö 'ka pë 'bha kë kö n ‑kɔ 'yaa‑ 'gü.

꞊Dhɛ 'ö "dhʋ̈ ‑ka 'to ‑kplü ‑sü 'ka n ‑bha, kö 'a 'to 'pö ‑kplü ‑sü 'ka ka ‑bha (kö kwa ‑wʋ ‑yö kë do). Ka‑ 'wɔn ‑dɔ ꞊dhɛ "dhü ‑gbeng 'ö ꞊ya "kan ö ‑dhü ‑bha 'yaa ꞊mɔɔ‑ ‑bha 'zü kö ‑yö bha ö ‑dɩ ‑ta. ‑Kɔ do bha‑ 'gü 'kii 'to ‑kplü ‑sü 'ka n ‑bha, kö 'ka kë ꞊dhɛ "dhü ‑gbeng 'ö ꞊ya "kan ö ‑dhü ‑bha ꞊në‑ 'dhö bha.

"Kɛɛ ꞊ya kë ꞊dhɛ 'ka 'to ‑kplü ‑sü ‑zë 'ka n ‑bha kö kwa ‑wʋ ‑yö kë do, kö ‑wʋ ‑nu 'a‑ pö ka ‑dhɛ bha ‑wo 'to ka "tʋʋdhö, pë "ʋʋ pë 'ö ‑dhi ka ‑dhɛ, ‑kaa ‑gbadhɛ n Dë ‑gɔ, ‑yö ‑dho ‑a kë ka ‑dhɛ.

"Kɛɛ 'sa ka ‑zë 'kii n ‑ya. Ma ꞊në ma ‑zë 'a n ‑kɔ ‑yɛ ka ‑bha, 'yö 'a ka ‑ya kö 'a ka bɔ, kö 'ka bhɛ ‑së dɔ "tʋ̈ng ꞊gban 'gü, 'wɔn ‑së kë ‑sü waa‑ ‑dhɔkë mɛ ꞊gban "pɛpɛ 'ka ‑sü 'ka, kö ‑yö kë "dhʋ̈ kö 'pë 'ö 'ka dho‑ ‑gbadhɛ n Dë ‑gɔ n 'tɔ 'gü bha ‑ya nu ka ‑dhɛ.

‑A pö 'a‑ wo "dhʋ̈ bha‑ ‑gɛn ‑mü ꞊dhɛ mɛ "taɔngdë 'ö‑ ‑dhɔ ‑yö mɛ ‑kë 'yö mɛ‑ ꞊mɔɔ‑ ‑bha mɛ mɛ ‑dɩ nu‑ ‑wɔn 'gü. Mɛ ‑dhɔ ‑bha mɛ kë ‑sü ‑zë "wɛɛ 'bha 'yaa ziö‑ 'dhɛ 'kö bha ꞊në‑ ‑ta.

('Yö mɛ "pɛpɛ 'wo 'dhang bho n "dhiʋ̈ bha 'wo ꞊dhɛ 'pö ꞊dhɛ n ‑gbeng ‑nu 'dhö.) N ‑gbeng "pɛpɛ 'wo n ‑bha 'ö 'waa bha n Dë ꞊në‑ ‑nu ‑kan, 'yö‑ 'dhɛ 'wo bha 'yö‑ ‑nu ‑ta zë, kë "dhʋ̈ kö ‑wo sa, kö ‑wo bhɛ ‑ya kö ‑yö ziö ‑blɛɛsü ‑bha ‑ta.

Ka ‑dhɔ ‑yö ka 'ko kë ꞊dhɛ ‑kɔ 'ö ka ‑dhɔ ‑yö n ‑kë 'ka bha‑ 'dhö. ‑Wʋ 'a‑ kpɔ ka ‑bha 'yö bha.

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ n Dë 'tɔ bhɔ ‑kɔ 'ö 'dhö, yö ‑mü ꞊dhɛ kö 'ka kë ꞊dhɛ "dhü ‑gbeng 'ö ꞊waa‑ baa‑, 'ö bha sië ꞊dedewo bha ꞊në‑ 'dhö. Yö ꞊në ꞊ya kë "dhʋ̈ kö 'ka kë ma ꞊klangdhiʋ̈ 'ka ꞊dedewo "pɛɛpɛdhö.

꞊Dhɛ 'ö Yesu ꞊ya ö bo‑ ‑pö ‑nu ‑dhɛ "dhʋ̈ ‑sü 'ka 'yö "gwënng do ‑da ‑nu ‑dhɛ 'ö‑ pö: «Ma ꞊në 'a ꞊dhɛ ‑drɔɔ ‑dhü ꞊dede 'wo‑ ta ‑a 'dhö, 'yö n Dë ‑zë 'ö‑ ta ‑mɛ 'ka.

Mɛ "ʋʋ mɛ 'ö 'yii 'to ‑kplü ‑sü 'ka n ‑bha, n Dë ‑ya ‑mɛ ‑zuö "kpɛnng ꞊dhɛ "dhü ‑gbeng 'ö 'yaa bha‑ 'dhö 'yö "kpɛa kpɔ klöngklöngdhö, 'yö 'wo‑ ‑wlö 'wo‑ ꞊loo pɛng "dhiʋ̈ 'yö ‑gʋ̈.

'Wɔn ‑nu bha a‑ ‑nu ‑pö ka ‑dhɛ "dhʋ̈ kö zuëniidadhe 'ö n ‑gɔ bha yö ꞊në ‑yö kë ka ‑gɔ 'pö, kë "dhʋ̈ kö ka zuë" ꞊nii ‑yö ‑da ꞊dedewo ‑tɛkpɛ ‑tɛkpɛdhö.

꞊Ya kë ꞊dhɛ 'ka ka ‑zʋ kë ‑wʋ ‑nu 'a‑ kpɔ ka ‑bha bha‑ 'gü kö 'ka‑ 'gü ‑wɔn kë, kö ka ‑kplü ‑sü 'ka n ‑bha, kö ka ‑dhɔ bha‑ "gblʋʋ ‑ta ꞊dhɛ ‑kɔ 'ö mang ‑dɩ 'pö 'a n Dë ‑wʋ kun‑ 'ka 'ö n ‑dhɔ ‑ya ‑kë bha‑ 'dhö ꞊naa bha.

‑Wʋ 'a‑ kpɔ ka ‑bha yö ‑mü ꞊dhɛ kö ka ‑dhɔ ‑yö ka 'ko kë ꞊dedewo.

꞊Ya kë 'nu ꞊dhɛ ka ‑tosɛa ‑kë ꞊dhɛ 'mɛ 'waa Atanna dɔ‑ ‑nu 'dhö, kö ka ‑dhɔ ‑dho ‑a ‑nu kë, ‑a ‑gɛn ‑mü ꞊dhɛ 'mɛ 'kö wɛng‑ ‑nu 'wo bɔ ‑a ‑nu ‑dhɔ ‑ya ‑nu ‑kë. "Kɛɛ ka 'sü 'a‑ wo 'a ka ‑ya ‑dɩ ‑ta, 'a ka ‑kan ‑a ‑nu ‑bha, 'ö kɛng‑ ‑nu ka ‑wʋ 'yaa do 'zü bha ka ‑san ‑ya ‑nu ‑kë yö ꞊në‑ ‑wɔn 'gü.