Popular Bible Verses from Zan 14

Share

Zuëwaanusü ꞊në ma ‑zë 'a‑ to ka ‑gɔ. Zuëwaanusü 'ö n ‑gɔ bha ꞊në 'a‑ ꞊gbaɔ ka ‑gɔ. Yö ‑zë 'yaa ꞊dhɛ 'mɛ 'waa Atanna dɔ‑ ‑nu ‑bha 'dhö. ‑A ‑wɔn 'gü ka zuë" 'ya 'dho kaan‑ "kwëë, "suʋ̈ 'ya 'dho ka kë!

'Yö Yesu ‑ya pö‑ ‑dhɛ: «Toma, ma ꞊në 'a zian 'ö dho Atanna "piʋ̈ ‑a 'ka, ma ꞊në 'wo n ‑dhɛ tɛanwɔn, ꞊waa‑ pö 'zü ꞊sii 'ö 'yaa yën, kö ‑wo ‑wɩ ma ꞊në n 'ka. Mɛ 'bha 'yaa 'dho n Dë ‑dhɛ 'gü kö 'yii zun ma ‑zë n ‑bha.

꞊Dhɛ 'ö ꞊ya kë "dhʋ̈ 'yö Yesu ‑ya pö‑ ‑nu ‑dhɛ 'ö‑ pö: "Kɛɛ ka zuë" 'ya 'dho kaan‑ "kwëë. ‑Ka 'dhang bho Atanna "dhiʋ̈ kö 'ka 'dhang bho mang ‑dɩ 'pö n "dhiʋ̈!

"Kɛɛ 'mɛ 'ö dho ka ‑zʋ gban kö 'ma 'dho bha‑ ‑mɛ ‑dho nu. 'Nii‑ "slʋ̈ʋ̈slʋ̈ 'ö n Dë dho‑ bɔ ka ‑dhɛ ma bɔ 'gü bha ꞊në dho ka ꞊klang kë pë ꞊gban "pɛpɛ 'ka, 'yö ka ‑zʋ ‑bö 'pö pë "pɛpɛ 'a‑ pö ka ‑dhɛ bha‑ ꞊gban 'ka.

'Mɛ 'ö dho ö ‑zʋ 'kpɔ ‑wʋ ‑nu 'a‑ kpɔ ka ‑bha bha‑ 'gü, 'ö‑ 'gü ‑wɔn ‑kë kö n ‑dhɔ ‑ya ‑mɛ ꞊në‑ ‑kë. 'Mɛ 'ö "dhʋ̈ bha‑ ‑dhɔ ‑dho n Dë kë 'ö‑ ‑dhɔ ‑yö mang ‑dɩ 'pö n ‑kë 'ö 'a n ‑dɩ ‑zɔn ‑mɛ ‑dhɛ.

Ma ‑zë 'ma 'dho a ‑dho bhɛa" n Dë ‑dhɛ kö ‑yö mɛ "wɛɛ bha bɔ ka ‑dhɛ kö ‑yö ka ‑ta 'kun. A ‑dho bhɛa" n Dë ‑dhɛ kö ‑yö tɛanwɔn pö 'Nii‑ bha‑ bɔ ka ‑dhɛ kö ‑yö kë ka "piʋ̈ yi ꞊gban 'ka. 'Nii‑ 'ö "dhʋ̈ bha "kpʋngtaamɛ ‑nu ‑zë 'waa ꞊mɔɔ‑ ‑bha kö ‑wa ꞊slɔɔ, ‑a ‑gɛn ‑mü ꞊dhɛ 'waa ꞊mɔɔ‑ ‑bha kö ‑wa yö, "ɛɛn kö ‑wa dɔ. "Kɛɛ ka ‑zë ka‑ ‑dɔ, ‑a ‑gɛn ‑mü ꞊dhɛ ‑yö ka "piʋ̈ yi ꞊gban 'ka, ‑yö ka 'gü.

꞊Ya kë 'zü ꞊dhɛ 'ma 'dho, pë "pɛpɛ 'ka dho‑ ‑gbadhɛ n Dë ‑gɔ n 'tɔ 'gü a ‑dho ‑a kë ka ‑dhɛ, kë "dhʋ̈ kö n Dë 'tɔ ‑yö bhɔ ma 'a‑ Gbö 'ka bha n ‑bha. ꞊Ya kë 'zü ꞊dhɛ 'ka pë ‑gbadhɛ n ‑gɔ n 'tɔ 'gü a ‑dho ‑a kë ka ‑dhɛ.»

'Yö Yesu ‑ya pö 'zü‑ ‑nu ‑dhɛ 'ö‑ pö: «"Ni ꞊ya kë ꞊dhɛ n ‑dhɔ ‑zë 'ö ka ‑kë tɛan‑ ꞊dede 'ka, kö ‑wʋ ‑nu 'a‑ kpɔ ka ‑bha bha 'ka‑ 'gü ‑wɔn kë.

‑Yɛa 'ö n Dë "piʋ̈ dhang‑ 'gü ‑yö 'gbɛ. ‑A yö ‑zë 'yaa "dhʋ̈ 'nu kö 'mii 'dho‑ pö ka ‑dhɛ ꞊dhɛ 'ma 'dho ka ‑yɛa baa‑ ‑dhɛ 'gü.

꞊Ya kë ꞊dhɛ 'ma 'dho kö 'a ka ‑yɛa ‑pë kë, a ‑dho n yee kë 'zü ‑deewo a ‑nu ka 'sü ‑dhɛ 'gü 'yö 'ka ‑kë n "sɔɔ, kë "dhʋ̈ kö ‑dhɛ 'a‑ ‑bha kaa ‑dɩ 'pö 'ka kë mü.

꞊Dhɛ 'ö ꞊yaa‑ pö "dhʋ̈ 'yö Toma ‑ya pö‑ ‑dhɛ: «N Dëmɛ, ‑dhɛ 'i 'dho sië‑ ‑bha 'ö 'yaa‑ dɔ ‑zianwo bha yi ‑dho ‑a zian ‑zë dɔ ‑kɔ kë ꞊dhɛ?»