Popular Bible Verses from Engero 1

Share

Mu kutya Mukama okumanya mwe kusookera: Naye abasirusiru banyooma amagezi n'okuyigirizibwanga. Mwana wange, wulira okuyigirizanga kwa kitaawo, So tova mu tteeka lya nnyoko

Kubanga okudda ennyuma okw'abatalina magezi kulibatta, N'okulaba omukisa okw'abasirusiru kulibazikiriza. Naye buli anaawuliranga nze anaabeeranga mirembe, Era anaatereeranga nga tewali kutya kabi.

Ow'amagezi awulire yeeyongerenga okuba n'okuyiga; Era omusajja alina okutegeera afune okuteesanga okutuufu

Mwana wange, abalina ebibi bwe bakusendasenda, Tokkirizanga.

Engero za Sulemaani mutabani wa Dawudi, kabaka wa Isiraeri: Okumanyanga amagezi n'okuyigirizibwanga; Okwawulanga ebigambo eby'okutegeera; Okukkiriza okuyigirizibwanga okukolanga eby'amagezi, Obutuukirivu n'okusalanga emisango n'okugobereranga ensonga; Okuwanga abatalina magezi obukabakaba, Omulenzi abeerenga n'okumanya n'okuteesa

Kale bwe balinkaabira, naye siriddamu; Balinnoonya nnyo, naye tebalindaba: Kubanga baakyawanga okumanya, So tebeerobozanga kutya Mukama