Popular Bible Verses from Yohana 21

Share

Wakibinda kukishashula, Yesu amγamba Simoni Petelo: Simoni, ṅwana Yohana, wanikundisha kuzinka awa? Angwe: Ehe, Zumbe! Iwe wataila, kuti nakukundisha. Angwe: Lisha viγoto vyangu! Vituhu amγamba Petelo ka mbili: Simoni, ṅwana Yohana, wanikundisha? Angwe: Ehe, Zumbe! Iwe wataila, kuti nakukundisha. Amuti: Γolokela ngoto zangu! Amγamba ka ntatu: Simoni, ṅwana Yohana, wanikundisha? Petelo azaona ukiwa, kuti amwuza ka ntatu: Wanikundisha?, azamuti: Zumbe, wataila mbuli zoshe, iwe wataila, kuti nakukundisha. Yesu amuti: Lisha ngoto zangu!

Kweli nakuti: Aho, ndiho ui mubwanga, uzakikanta ṅwenye, uzaanga, ukundileko. Miya ndiho udalahale, neukusule mikono yako, kangi mtuhu atakukanta, akuiγale ushikundako.

Azawati: Gelai lwavu lwazu lwa kulume lwa chombo, nemwonele! Wazalugela, miya nkawadahile kuluhuna kwa ungi wa nyama za bahali.

Simoni Petelo awati weyae: Nahita kwa lowa. Wazamwitikila: Hata ishwi tihite haṅwe na iwe! Wazalawa, wazaingila mwe chombo, miya chiya kilo nkawana wagwizilevyo.