Popular Bible Verses from 馬太 7

Share

「你等求，就會得到；尋，就會尋到；掽門，門就會為你等開。

因為每一個求个，就得到；尋个，就尋到；掽門个，門就為佢開。

「所以，聽𠊎這兜話就去行个人，就像聰明人起屋在磐石頂；

「你等愛別人樣般對待你等，就愛樣般對待佢等；這就係 摩西 法律㧯先知教訓个真意義。

該透到永生个門係狹个，路係難行个，尋到个人也盡少。

「你等愛對狹門入去；因為該透到滅亡个門係闊个，路係好行个，行該條路个人也盡多。

你等雖然壞，還知拿好東西給自家个子女；恁樣，你等在天頂个阿爸敢毋係還較愛將好東西賜給求佢个人嗎？

「毋好論斷別人，上帝就毋會審判你等。 因為上帝愛用你等論斷別人个標準來審判你等；你等用麼介東西量給別人，上帝也愛用共樣个東西量給你等。

總係，聽𠊎這兜話毋去行个，就像戇仔起屋在泥沙頂，

你做麼介單淨看到若兄弟目珠底背个草屑仔，總係無想到自家目珠底背个大樑呢？ 你自家目珠底背有大樑，樣般做得對若兄弟講：『你目珠底背个草屑仔，𠊎代你挑出來』哪？

「你等愛提防假先知。佢等出現在你等面前，外表看起來像綿羊，總係底背係兇惡个豺狼。 你等看佢等个行為就會認出佢等。竻樹毋會結葡萄，蒺藜也毋會結無花果。

好樹結好果子；壞樹結壞果子。

好樹毋會結壞果子；壞樹也毋會結好果子。

無結好果子个樹仔就斬掉，㧒落火底背。