Popular Bible Verses from 創世記 32

Share

該人又講：「從今以後，你毋係安到 雅各 。你㧯上帝並㧯人鬥力，全部贏，恁樣你个名愛改做 以色列 。」

該人講：「會天光了！放𠊎走啊！」 雅各 講：「你若係毋祝福𠊎，𠊎就毋放你走！」

自家一儕留在後背。 有一個人來㧯 雅各 揇腰跤仔，一直到臨天光。

雅各 講：「𠊎面對面看到上帝，總係還生生！」恁樣，佢就將該地方安到 比努伊勒 。

該儕人看自家毋會贏佢，就打佢个大腳髀个骨輪， 雅各 个腳髀就𢫫腕。

該人問：「你安到麼介名？」 佢應講：「 雅各 。」

雅各 問：「請你㧯𠊎講，你安到麼介名？」 該人應講：「樣使問𠊎个名呢？」講煞，就㧯 雅各 祝福。

𠊎堪毋得領受你向僕人所做个一切慈愛㧯誠實。頭擺，𠊎个手只有擎等一支柺棍仔過 約旦 河；這下𠊎變做兩隊。

一直到今晡日， 以色列 个後代全部毋食大腳髀个筋，因為 雅各 大腳髀个筋識扭傷。

雅各 祈禱講：「吾公 亞伯拉罕 个上帝啊！吾爸 以撒 个上帝啊！求你來聽！上主啊，你識吩咐𠊎轉來故鄉，到𠊎家族該位去，又講愛俾𠊎事事順利。

求你救𠊎脫離吾哥 以掃 个手。𠊎驚佢來攻擊𠊎；連𡜵娘子女全部會被佢㓾掉。