Popular Bible Verses from Luka 8

Share

Ku makakai ki mathariri ka dae ka sapaivai, amani ki laumawmase sa kilalranga ku vaga ki Twaumase, arakai ku tharirane si patengatengane ka kidremedreme pangimia, kiadili ukalavalava, pakela ku tapumadrwane.”

Ku makakai ki cecenekane ka angatu ka sapaivai, amani ki umawmase sa kilalranga ku vaga ki Twaumase, ai kudra thekelrane ki tacekecekelane, si salrilrigilane ki acekecekelane si akiperavanane, pakasemete kai ki vaga ki Twaumase ku apanianiakane, la kai maka pumadru ku mabea ku madru.

Ku makakai ki lralrenegane ka sapaivai, amani ki umawmase sa kilalra ku vaga ki Twaumase la kiraragai tarumara, ai kwini vaga ki Twaumase ikai ki kidremedreme lini kai mwadringi ku tabalacane; kwini lalasu yasasaane kasalru, ai sa kipadradresenge ku akikituthiathingalane la kai maka kapapedrenge acegecege.

Ku Yesu la kivaga liniane, “Yakai inu ku salrwane numi?” Kwi lalasu masamali ngituluku, si maiyaiya kai, “Aneane kai umawmase kai? Kai lasu wacubungu ki valrigi si bikabiki drekase, kai valrigi si bikabiki kialalra iniane!”

Ku makakai ki babiabila ki kadadalranane ka sapaivai, amani ki umawmase lu kilalranga ku vaga ki Twaumase, ku Akema la kela, si patwalai ki kidremedreme lini malra ku vaga ki Twaumase, ku kaika adulrwane lini kasalru si kipalribulu.

Sanaka nisekeseketane patuelre lri tara kimapelaela, ku niseketane sanaka maneemane lri tara mutaluvaivai, si kimathingathingale.

Kwini alisu la thingale ka kiapatarathingalenga, la manugiligili ki mukuludrane kainganai pidruru icucubungu ki Yesu, icucubungu ki laumawmase pelaela ki Yesu, ku takirecenganeini iniane, si tangimianeini kipawdringai. Ku Yesu la iya kai iniane, “Lalake, kwini salrwanesu palribulunga muswane! Lu kasulivalivatanga katwase.”

Ku lasitu la kainganai mucucubungu iniane, si aceace iniane, si iya kai, “Sinsi, Sinsi, lri pacaita!” Ku Yesu la pacunu, kaelaelathe ki valrigi si bikabiki, ku valrigi si bikabiki la isadra, la idrengerenga kwini baiyu.