Popular Bible Verses from Maak 10

Share

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ nara nɛɛ a sou a la ba nyuuna a nyɛ ba.”

Yesu fun a nyini ba a ŋɔ, “O li nibinsa wati, ba wa kikoti a zu Koosa koor ti. Domi o li Koosa wati, kundɔŋ wa to o zi ya a vɛ koti.”

Yesu fun ŋɔ un, “Kila. I si suuli nyɛ i se ta lɛliu.” O se ta fun vaan lɛli. O fun tiŋ Yesu a kaali.

Adaha ba naa Koosa fun a nyɛ ba burgi nibɛgim chen, o wa deŋli di nibine nyɛ ba nyinbaan di ba waligi dɔŋ ni.”

Yesu fun nyini baal ti. O wɛ ya un lɛmlɛm kinkan ka o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Yesu fun pɛɛsi un, “Baŋnɛ ii daŋni mu ya nyɛ hin?” O fun ŋɔ, “Mu kunyana, muu daŋni i lɛli mu se nawa a nyɛ min.”

amaa o wa lawa ma ya chen.

Ma nyɛ mu ŋɔ ma nan. Nar la nɔɔni a chi bichɛla di Koosa dɔ un, Koosa zi wa dɔ unu.”

Nara kinkan ba naa te suwachak a ya nihɛɛta lalaknɔ, ba zi wa burgiu a tiŋ gantɛl. Ba naa ka tiŋ gantɛl, ba zi wa burgi nihɛɛtau a te suwachak.”

Saha naa Koosa fun naami tɛɛnɛ nɔ a li o piili ni, nibaal awa nihaannɛ o fun naami, a ŋɔ di chen weru di nibaal zi gil o nyana awa o niinau a kpa haan, chen ni ba nara balɛ ta zi burgi nibɛgimu. O kpa haan, ba nara balɛ ta wa bu ya nara balɛ.