Popular Bible Verses from GYƆNI 15

Share

Mani n nyɛ tii maa, ka ya mun n nyɛ ka wula. Ya sɔ ŋɔn kpalim m‑bɛ ma ni ka n gba kpalim m‑bɛ u ni, di daama nin toaai n‑wanni wala pam, amaa man yi ka ya saani ya ku toaai n‑niŋi seelli.

Ya kpalimma m‑bɛ man saani, ka n gba kpalim m‑bɛ ya ni. Tiwulli ku toaai n‑wali wala ka toori yiiko ni, faasee ka ka kpalim m‑bɛ tii maa yiiko ni: lala ka ya gba ku toaai n‑niŋi seelli, see ka ya kpalim man saani ka man ti ya yiiko.

Ya yi kpalim m‑bɛ ma ni, ka n yɛligu maa kpalim m‑bɛ ya ni, ya yi ti susi bunseelli kam zaa, ya nin nya di.

Pa yarima n daa yiisi ma, amaa mani n daa yiisi ya, ka tum ya ni ya yima n‑wanni wala pam ka ya wala nin ti yuui. Ka lala zugu nin kyɛ ka ya yi boori seelli m Ba saani, man yuuri zugu, ŋɔn nin zaŋŋi n‑ti ya.

Ninsaala ku toaai m‑mari wurilim n‑gaari nŋɔa, ni, sɔ n zaŋŋi u nyɔvuri m‑pa talima u zɔdima zugu.

Wuliseaa kan bɛ ma ni ka bu wanni wala, m Ba nin ŋmaai ka m‑basi; amaa wuliseaa kan wanni walisuma, u nin gɔsi ka suŋŋa n‑waasi, ka ka niŋi kasi, ni ka ti maali n‑wanni pam.

Man zaaligu nŋɔa#:- ni, ya wuri taaba hoo man wuri ya seem wa.

M Ba yuuri nin nya pɛ'abu dinŋɔ zugu, ni, ya wanni la wala pam, ka ya leebi n nyaandɔliba.

Ka Yisa daa laa n‑yɛli ba yɛttɔ'anyɛsiri zaŋŋi n‑kyaŋŋi ban zaŋŋi tiseaa wala koom m‑maanni ba daam la: ni, “Mani n nyɛ tiwanni maa ni yɛlimaŋni, ka m Ba mun nyɛ la tii maa daana.

Ŋɔnkam zaa bu kpalim m‑bɛ ma ni, ba nin ŋmaai di daama m‑basi, hoo wuliseaa kan bu wanna, ka ba basi ka, ka ka kuui; ka ba la'asi anŋɔ taabu nti nyɔa, ka a di bugum.

Ka u daa laa n‑yɛli ba, ni, “N tɔ'asi yɛttɔ'a wa n‑ti ya, ni n sufupeelli la ti kpalim ya saani ka ya sufupeelli zoaai.

Ya yi deaai n zaaligu la ya nin kpalim m‑bɛ n wurilim maa ni; hoo man daa deaai m Ba zaaligu la ka kpalim m‑bɛ u wurilim maa ni la.”

Dinŋɔ zugu ka n yɛtti ya, ni, see ka ya wuri taaba.”

Ya yi da nyɛ la duniya wa maŋtoori niriba, duniya wa da naa m‑boori ya yɛla; amaa yan pa duniya wa niriba zugu, man ŋɔn gamsi ya n‑yiisi duniya wa yɛla ni zugu, lala ka duniya wa yaai ya.