Popular Bible Verses from I KƆRINTI DIMA 15

Share

Lala zugu, m mabiwutta, see ka ya bɛ yummu deede; yan di bɛ kpa, ka bɛ kpa. Ya zaŋŋma ya mansi zaa n‑ti ti Dugma tuma maa sahakam, dama ya mi halli, ni, ya yi tumni pam n‑tiri ti Dugma, ya bu tumni la yɔri.

Dinŋɔna ti puusiri Naawunni barika! Dama ŋɔna n kyɛ ka ti nyaŋŋi, ti Dugma Yisa Kirisita Masiiya zugu.

Yan di kyɛ ka ba yɔmsi ya: ni, “Zɔbeoo sa'amni la halli beesisuŋŋu gba soori.”

Amaa Naawunni piini zugu kyɛ ka m bɛ la man bɛ seem; ka lala piini maa bu basi yɔri, dama n daa tum tuma n‑gaari ba zaa - halli di pa la mani n‑tumna, amaa Naawunni piini ŋɔn mari ma n‑tumna.

ni#:- “Ha! Kum, i nyaŋŋsim bɛ la yani? Ha! Kum, i dumpu yiiko lee?” Dama dumpu seaa kum ŋɔn mari n‑dumni ti la nyɛ la tumbeeri taalli; ka taalli maa yiiko bɛ la zaaligu la ni.

Ya wumma! N yɛtti ya la yɛlisɔ'ara yɛla: pa ti zaasa n nin kpi, amaa ba nin takki ti zaa. Ba nin takki ti yoomyooma, hoo nimbiri kamsigu saha. Lala saha ka ba nin kyɛ ka kikaa ti kum n‑wulisi duniya naari saha paari na. Dama ba nin peebi, ka ban kpi la zaa nin doaai ka ku laa n‑kpi; ka tirima mun nin takki.

Ya bu nya? - ninsaalisɔ zugu ka kum daa paai ti zaa na, ka dizugu kum ni neaari gba daa paai ti na ninsaalisɔ zugu. Ii! - Adam zugu ka sɔkam kpiira; Kirisita mun zugu ka sɔkam nin neaai kum ni.

See ka kan sa'amni la ti deaai beesigu din bu naara, hoo ban deaari sutura n‑yeeri seem la. Ka kan kpiiri la nin deaai beesigu din bu kpiira n‑yɛa.

Dama see ka u di naam halli nti nyaŋŋi u dindaandima zaa. Ka u dindaansɔ ŋɔn ti ya kpalim nyaaŋŋa ka u sa'am u yɛla nyɛ la kum.