Popular Bible Verses from Kɔlɔɔsɛ 2

Share

Á zù Yezu Kristə ń wɔ́ á Cinu, jʼá nʼá tó mo ǹdʼá wun gakó. Zhínə ńmyɛ̌ nɛ kẽkẽ ǹdə cǒ nə̀rh gə́ yʼa pə tɛ̃´ nɛ́, sʼá yẽ̌ á cìn nì námpúm á ce ń jɔ̃̀ wà. Cə̀ə̀lènə̀ á zhí mu ǹdə bə̀ gə́ cèrhè ába né, sʼá ce Yi nə̀bán dɛ̃´dɛ̃´.

Dɛ̃̌na, lò bə̀ká n zə numbyínsi lármɔ ǹdə́ kɔma zɔ̀mà n jə́jɛ̀rɛ́ ába yé, bə̀ rə̀myɛ́ gakó wɔ́ numbyínsi lùl-e-pwírí ǹdə́ lũ w wẽ̀ tɛ̀bɛ́ yírhə́ wàr nə̀ nɛ wẽ́ rə̀ nʼê shí ní, sə è də̀ Kristə sõ yé.

Shãã ga, á lwɛlɛ rɛ́ ǹdə́ bə̀ gə́ yʼà yə̀ ába gòm mó ce, á yʼâ cùwə̀. Sə èlâsɛ̃´, Yi kʼá tó Kristə dɛnnɛ rə bwìrhì ába, rə pə nə́ba nə́ yə̀-bəlwàálɛ́ gakó sǔbri. Sɛ́bɛ́ rɛ́ tɛ̀bɛ́ nə́ yə̀-bəlwàálɛ́ yʼà kɛ̃ rə̀ wẽ́ rə̀ nʼê byili bə̀ nə́ mə̂ ǹdə́ còrhò-tum mú, Yi kâr rɛ. Kɔn nyɛ̌ ǹdə wɔ́ Kristə də̀-jɔrhɔ́ yó rə̀ pəpa rɛ nɛ́ ta.

Lwarna bə̀ Yi cìcì ŋwɛ́nɛ́ Kristə yala nɛ́ wẽ́ námpúm. Á gə́ mù dwã nɛ ǹdə́ ńmyɛ̌ mɔ́ ce, á nɔ kɔn gakó ń sõ, bə̀ ń cǐ ŋwɔ̀nɔ́ cìnə́ ǹdə́ jàn cìnə́ byɛ̀bɛ́ gakó yírhə́ wàr nə̀ nɛ mɔ́.

Rə̀myɛ́ yilə, lò bə mə̂ sə n zɔ̀m á sõ kùjú jú, ráá sɛ̃´ nyɔ́ shò-kwã nɛ́ yé. Lò bə mə̂ sə n zɔ̀m á sõ myɛ címsi jú, ráá càn-dùlí, ráá shìrhə́ dɛ̃ rɛ́ yil yé, bə̀ rə̀myɛ́ gakó wɔ́ kɔn dɛ́ dɛ̀bɛ́ rə̀ bàn mɔ́ èsə̃̌yùlú, sə kɔn dɛ́ cìcì mú wɔ́ Kristə.