Popular Bible Verses from Kɔlɔɔsɛ 1

Share

Ń vùr nə́ba cə-byín wə, cə-byín dí kʼê bə ŋwɔ̀nɔ́ zhe nə́ yó yé, ń ce nə́ zù ń Byì-sónó w tənà y wa.

bə̀ wɔ́ ńmyɛ̌ dɛnnɛ Yi tó né rə wɛ̀rhɛ́ kɔn dɛ̀bɛ́ gakó rə̀ ŋwɛ́nɛ́ dɛ̃̌ ǹdə́ cɛ yó, tɛ̀bɛ́ yírhə́ wɔ̌ nə̀ nɛ, ǹdə́ tɛ̀bɛ́ yírhə́ wàr nə̀ nɛ, jàn cìnə́ byɛ̀bɛ́ bə̀ ŋwɛ́nɛ́ dɛ̃̌ bə̀ zhe ŋwɔ̀nɔ́, bə̀ nʼê jí pyɛ̀lɛ̀ mɔ́ dwí gakó. Wɔ́ ńmyɛ̌ dɛnnɛ Yi tó né rə wɛ̀rhɛ́ kɔn gakó, e jʼà wɔ́ ńmyɛ̌ yil Yi wɛ̀rhɛ́ rɛ.

Ń jɛ̀rɛ̀ kɔn gakó ń ŋwɛ́nɛ́. Wɔ́ ńmyɛ̌ jàn yil kɔn gakó zhǐ rə̀ jàà wà.

Lò lò wàr Yi ń la nɔ ǹdə́ ń yírhə́ yé. Wɔ́ Kristə ń nə́ ń byili rə̀ gə́ wɔ́ nɛ́ ma cìcì. Ńmyɛ̌ ń wɔ́ Byì-cɛ, ń cǐ dɛ̀bɛ́ gakó Yi wɛ̀rhɛ́ mɔ́

Wɔ́ rə̀myɛ́ è ce, nə́ gə́ nyɛ̀ɛ̀ á Yi-ni-zhú mú yò w yi ní ga, nə́ rʼé ce Yi á yil twéé gakó. Nə́ rʼé lwə̀l lè bə̀ rə̀ pə ába lárma ǹdə́ surhə nyɛ̀bɛ́ gakó nə̀ shí rə̀ cìcì Eshirhə y sõ mó, mùnì ga á ŋwɛ̀nɛ́ á lwar rə̀ pùbùlə̀ né námpúm. Èta, á tùntwə̃̀ə̃̀ né bʼa tó Cinu pùbùlə̀ nè, sə á bʼâ ŋwɛ̀nɛ́ á wɛ̀rhɛ́ kɔn dɛ̀bɛ́ ń nə́ ń yàlá, sʼá wɛ̀rhɛ́ tùm-ècɛ̀nà dwí gakó, á kwɛrhɛ á lwar Yi párá.