Popular Bible Verses from Lucas 3

Share

Un die, apuis de haber batizado to la giente, de Jasus tamien se haber batizado i quando staba a rezar, abriu-se l cielo i l Sprito Santo abaixou porriba del, an figura de palomba, i de l cielo bieno ũa boç: «Tu sós l miu amado Filho, an ti pongo l miu ancanto.»

Juan dixo-le a todos: «You batizo-bos cun auga, mas bai a benir quien ye mais fuorte do que you, alguien a que nien sequiera sou dino de le zatar las correias de ls çapatos. El bai-bos a batizar ne l Sprito Santo i ne l fuogo.

Dai fruitos que amóstren que stais arrependidos i nun ampécedes a pensar, “Tenemos a Abraan cumo nuosso pai”, puis digo-bos que Dius puode fazer nacer filhos d’Abraan destas piedras.

La machada yá stá apuntada a la raiç de la arble i toda l’arble que nun dir fruito será cortada i botada pa l lhume.»

cumo stá screbido ne l lhibro de l porfeta Eisaías: Hai ũa boç que bózia ne l zerto: Purparai l camino de l Senhor, andreitai ls sous carreirones. Todas las baixas seran acobelhadas, todos ls altos i cabeços seran alisados; ls caminos tuortos quedaran dreitos i ls derramados quedaran cumpuostos. I toda la criatura berá la salbaçon de Dius.