Popular Bible Verses from Luk 19

Share

Tan aʼ qat ulk in, in, u Kʼaola uvaʼ qat bʼen s-alam aanima, tiʼ itxhokox, atz tiʼ ichitix inqʼa xaol, inqʼa tzʼeqxinaʼq tu paʼv, eche itxhokon invaʼq u xeen karneʼl tiʼ vikarneʼl uvaʼ tzʼeqxinaʼqle, —xeʼt Jesuus.

Tul ech motx tal s-eche: —¡At vibʼaʼnil quBʼaal Tiuxh sakʼatza, axh u mam iQʼesal, axh uvaʼ iqʼomal u tiqleʼm quBʼaal Tiuxh aaʼn uvaʼ qat avul s-quxoʼl! Tan ¡seʼe, tul at vibʼaʼnil quBʼaal Tiuxh tu amlikaʼ, atz xoʼl inqʼa xaol! Tul ¡seʼe, toq okk iqʼij u quBʼaal Tiuxh uvaʼ sibʼ at jaʼp t-amlikaʼ! —chichich inqʼa mam tenam.

Tul ech tal Jesuus te Sakeeo s-eche: —Chitpiy vet axh s-txheel tiʼ inqʼa apaʼv, atz chitpiy vet jankʼal inqʼa xaol inqʼa at tavotzotz. Tul qat inkuy sotzsal vet inqʼa ipaʼv. Tan ech qat akʼuqbʼat akʼuul tiʼ quBʼaal Tiuxh, eche ikʼuqbʼat Avraʼaam ikʼuul tiʼ quBʼaal Tiuxh.

Aqʼbʼetz vet Jesuus tal uvaʼ atich Sakeeo, tul saqin jaʼ Jesuus viʼ u tzeʼ. Tul til vet Jesuus Sakeeo. Yaʼne ech tal Jesuus te Sakeeo s-eche: —¡Sakeeo, nal kuxh akuʼl viʼ u tzeʼ! Tan nik tal quBʼaal Tiuxh uvaʼ txheel toq atinoq in tavotzotz, —xeʼt Jesuus te Sakeeo. Yaʼne nal kuxh ikuʼl Sakeeo viʼ u tzeʼ. Tul chiibʼiyichxh vet Sakeeo tiʼ ikʼulux Jesuus t-totzotz.

Bʼiiletzxh vet s-tuul, tul txakeʼv vet Sakeeo. Tul ech tal Sakeeo te Jesuus s-eche: —Il nikʼaʼmil inqʼa kamaq vetz ila, inBʼaal, toq voya te inqʼa meebʼaʼ. Atz oq at invaʼq xaol subʼel vaʼn tiʼ kam invaʼq, tul kajpaqul vet ichʼexel toq vaqʼ s-te, —xeʼt Sakeeo.

Atichetz jolol inqʼa fariseeo xoʼl inqʼa xaol, tul ech motx tal te Jesuus s-eche: —¡Txhusul, maq inqʼa xaol, inqʼa nik atxhuseʼ, tiʼ u yol uvaʼ nik motx taleʼ! —xeʼtaq te Jesuus. Tul ech tal Jesuus s-eche: —Toq val sete: Oq toq inmaq inqʼa nik itxhus tibʼ sinkʼatza tiʼ isichʼineʼ, tul aʼ, inqʼa sivan, toq sichʼinoq, —xeʼt Jesuus.{*}