Popular Bible Verses from Yoane 12

Share

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Wino wensi uwatemwa umi wakwe alauponzya, na wino wensi uwapata umi wakwe mu nsi ii, wene alapeelwa umi wape.

Cumi namunena vino lupece lwa ngano luno lwaponela mu musili lutanga sanduluka, suka ndi lwatala lwafwa. Lelo ndi lwafwa, lyene lumaleta mpece zyuze zingi lino lwaseeka.

Nemo niza wa luswepo lwamu nsi, kuti wino wensi wantaila atakikale mu mfinzi.

Muntu umwi nda akuuvwa mazwi yane lelo asikuyela, nemo ntalamupingula. Pano ntiza ku kupingula amu nsi, lelo niza ku kuyatuula.

Alino Maliya atoola amafuta ya nadi kulingana na citika wakwe lita, amafuta acinunu nupya amutengo ukome cuze. Alino ayapongolwela pa ngazo zyakwe Yesu, nga amukumbula ingazo ni nyele zyakwe. Lyene ing'anda izulamo kununkila kusuma kwa mafuta.

Caleka yatoola makambalala ya mikoma, yazuka yakumukomanya yasanzika mazwi yati, “Mucinzi upelwe kuli Leza! Walongo awiyo akwiza mwi zina lya Mwene! Walongo a Kateeka wa Izlaeli!”

Yesu avwanga ati, “Kasita kati kafika kuti Mwana wa Muntu apelwe lulumbi lukulu cuze.