Popular Bible Verses from Milimo 5

Share

Petulo na alondezi yauze yaasuka yati, “Tulinzile ukuyela Leza, kuluta kuyela antu.

Cila wanda atumwa yatwalilile kusambilizya mu mang'anda ya antu nu mu Ng'anda ikulu yakwe Leza, nga nu kukosola Ilandwe Lisuma ilyakuti Yesu ali Katuula.

Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo? Lino utali ukazye calo, uzye citali icakwako? Na lino wakazizye calo, uzye impiya zitali zyakwako? Uzye pacani wasolola kucita cintu camusango uu? Utatumposile antu, lelo watutumpoka kuli Leza.” Lilyo kwene lino Ananiya uvwa mazwi yaa, apona pansi, afwa. Lyene antu yonsi auvwile cii, yuvwa intete cuze.

Alino na pamulandu kwene uu, namunena vino mutacita nanti cimwi pa antu yaa. Yatini! Pano ndi pange lii, nga ni milimo yao ivya untunze, ale vili nukusila. Lelo ndi lyafuma kuli Leza, ale lyene mutangayacimvya, limwi mungazanwa vino mukulwisya Leza!” Alino amwi Tengo yazumila mazwi yakwe Gamalieli.