Popular Bible Verses from Marcos 7

Share

Echa’ä pepɨa wi ko oë opa mbae ikawi mbae wae, echa’ä pepɨa pe piyemɨngeta mbaembae kachi wae re jare joko wi piyapo awasa, pembɨkere, pepuruyuka, pemonda, pipota ïru wae reta imbaembae, piyapo mbae kachi wae, pepurumbɨtawɨ, piñemɨro perapicha pe, ikawi mbae wae pere perapicha kotɨ, piyembɨkate, jare piyeyapo pearakuaa mbae echa rami,” jei. “Opaete kua ikawi mbae wae oë pepɨa wi. Jare jokua ko peapo ikɨa Tumpa kotɨ.” Jukuärái Jesús jei jemimboe reta pe.

“Ipotawe mbae kía jou wae ndarau uyapo ikɨa Tumpa kotɨ. Erëi ikawi mbae wae uyapo wae jare jei wae, jokua ko uyapo ikɨa Tumpa kotɨ,” jei.

Jayawe Jesús jei chupe reta: “Pe reta añetete wae nunga piyeyokui Tumpa pe. Isaías uikuatía arakaete peré wae jupi ko. Echa’ä jei kuärái: ‘Kua reta iyuru wiño ko uipɨu chewi,’ jei Tumpa. ‘Erëi ipɨa pe uipɨu’ä etei chewi reta.

Umbutuicharaangaiño reta cheree. Oporomboe reta kuimbae jei wae rupiño.’ Jukuärái Isaías uikuatía Tumpa jei peré wae,” jei Jesús chupe reta.

“Pe reta piyapo’ä Tumpa jei wae rupi, erëi pipɨsɨ kawi yanderamɨkue reta jeko,” jei.