Popular Bible Verses from Mateo 18

Share

“Echa’ä ime yawe kía reta cheree re uyembatɨ wae, che aïta jae reta ipɨte pe, yepe tëi jae reta mokui ani mbapɨ miño yepe,” jei Jesús jemimboe reta pe.

“Jae nunga wi che tae pewe, ime yawe aramoi mokui yepe pe reta piyerure pëti ramiño Tumpa pe mbae re wae, cheRu ara pe oï wae uyapota ko pewe,” jei.

Jayawe Jesús ueni pëti sambiaɨ, jare oñono jae reta ipɨte pe, jare jei chupe reta: “Che tae pewe añetete wae, pe reta piko pɨau’ä yawe Tumpa kotɨ, jare piyeyapo’ä yawe sambiaɨ reta rami, ndarau etei penoi Tumpa pemburuwicha wasurä,” jei.

“Erëi ime yawe kía uñemɨmichi kua sambiaɨ rami wae, jae ikota petenondewarä Tumpa oï ma yawe opaete wae imburuwicha wasurä jaeño mái pewa,” jei chupe reta.

“Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei chupe reta.

“Che tae pewe añetete wae, jukuärái piyapo yawe päwe rewe, Tumpa umae kawita jese. Echa’ä ime yawe kua ɨwɨ pe mbae re pe reta päwe rewe pemaeño’ä jese wae, Tumpa ara pe oï wae umaeño’ä ma jese wi. Jae ramiño wi ime yawe kua ɨwɨ pe mbae re pe reta päwe rewe pemaeño jese wae, Tumpa ara pe oï wae umaeño ma jese wi,” jei chupe reta.

Joko wi Jesús jei wi jemimboe reta pe: “Jukuäraiete wi cheRu ara pe oï wae uyapota pewe, pe reta jekuaeño pemandúa yawe perapicha pe mbae kachi uyapo pekotɨ wae re,” jei chupe reta.

Jayawe Jesús jei wi jemimboe reta pe jokua sambiaɨ rewa: “Ime yawe kía uyawɨka Tumpa kotɨ kua nunga cheré wɨrowia wae pe, Tumpa tuicha rupi uiporarakata oï chupe,” jei. “¿Këraita ra ko kía uñapɨ̈ti yawe peyayu re pëti ita tuicha wae, jare joko wi pemombo yawe ɨ tɨpɨ wae pe? Jokua ikawi’ä ko. ¡Erëi oete yeta oï kía pe Tumpa kotɨ uyawɨka yawe pëti cheré wɨrowia mii wae pe! Echa’ä Tumpa tuichaete ye uiporarakata oï chupe,” jei.

“¿Mbae pa pere? Ime yawe pëti kuimbae pëti chiëto owecha onoi wae, jare ukañɨ yawe chuwi pëti owecha, ¿mbae ra uyapota? ¿Ndarau yerá ueya jokua noventa y nueve owecha reta ɨwɨtu raɨ re oo waerä ueka jokua ukañɨ chuwi wae? Jukuäraita ko,” jei.