Popular Bible Verses from Mateo 17

Share

Jayawe Jesús jei chupe reta: “Pepuere’ä, echa’ä perowia kawi’ä Tumpa re ramo,” jei. “Che tae pewe añetete wae, pe reta perowia yawe Tumpa re michi raɨ mii yepe, jayawe pepuereta piyapo mbaembae tuicha wae. Pepuereta pere pea ɨwɨtu wasu pe oo waerä joko wi jare upɨta waerä ikotɨ̈a pe. Jare jukuärái uyapota ko ɨwɨtu wasu. Ndarau mbae yawái pewe,” jei chupe reta.

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.

Jayawe Jesús jei joko pe ñonoï wae reta pe: “Pe pepɨatäta piko wae reta, ¿marái mbate ra perowia kawi’ä cheré? Chembɨkueri ma peï perowia mbae cheré wae. ¿Kërái yawe rewa ra arupɨata pewe? Peru chewe kua pe jokua kunumi raɨ,” jei chupe reta. Jayawe ueru reta chupe yawe, Jesús iñeeäta rewe jei aña pe oë waerä kunumi raɨ wi. ¡Jare jupiwoiño kunumi raɨ ukuera!