Popular Bible Verses from Éxodo 7

Share

Jayawe Tumpa jei Moisés pe: “Mase, che ayapota mburuwicha wasu umae waerä nderé che rami, jare nderɨkeɨ Aarón re niñee umɨmbeu wae rami,” jei.

“Erëi che amɨtätata mburuwicha wasu ipɨa chuwi. Yepe tëi che ayapota chupe mbaembae kɨyete pewa ɨwɨ Egipto pe, erëi jesewe jae uyapɨsakata’ä piñee re. Jáeramo aiporarakata jasɨ katuete rupi opaete ɨwɨ Egipto pewa reta pe. Jare anoeta kuri ɨwɨ Egipto wi Jacob doce taɨ pëti pëti iñemoñaa reta rupi. Echa’ä jae reta che aiparawo wae reta ko,” jei.

“Jayawe ramo ɨwɨ Egipto pewa reta uikuaata che ko jae Tumpa aikoño mái wae, ayapo yawe chupe reta mbaembae kɨyete pewa anoe waerä Israel iñemoñaa reta ɨwɨ Egipto wi,” jei Tumpa Moisés pe.

Erëi mburuwicha wasu uenika ichoropa wae reta jare ipaye wae reta. Jae reta uyapo wi ichoropa rupi Moisés jare Aarón uyapo rami. Kua reta pëti pëti omombo ipopoka ɨwɨ re, jare uyeyapo wi mboi jokua ipopoka reta. Erëitu Aarón imboi opa jou opaete ïru mboi reta.

Jáeramo añawe Tumpa jei oï ndewe kuärái: ‘Kua rupi nde ndikuaata che ko Tumpa añetete wae. Mase, ambokuakata aï kua ɨ wasu re kua popoka pɨpe, jare ɨ uyeyapota tuwɨ.

“Mburuwicha wasu uipotata pe reta piyapo waerä chupe mbae chembaepuere rupi pikuaaka waerä chupe che ko pomondo wae. Jáeramo nde Moisés, ere Aarón pe tomombo ipopoka ɨwɨ re mburuwicha wasu jowai,” jei. “Jawoi pewa ipopoka uyeyapota mboi.” Jukuärái jei Tumpa chupe reta. Jayawe Moisés jare Aarón yuraa mburuwicha wasu jowai, jare uyapo reta kërái Tumpa jei chupe wae rami. Aarón omombo ipopoka ɨwɨ re mburuwicha wasu pe uyeyokui wae itenondewa reta jowai, jare ipopoka uyeyapo mboi.