Popular Bible Verses from Jɔn 11

Share

Nɛ Yesu kaŋɛ mo: “Ma e la esa nɛ e bee tiŋi basa ashi luwu to a sa bumo ŋkpa na, nɛ esa kama nɛ e yirda ma beeŋ nya ŋkpa hale nɛ e wu gba. Esa kama malɛ nɛ e wɔ ŋkpa to nseŋ yirda ma, maaŋ naŋ wu kikɛ. Fo yirda kesheŋ ere a?”

Nɛ Yesu bishi mo: “M maŋ kaŋɛ fo fanɛ nɛ fo yirda feeŋ wu Ebɔrɛ be kemaŋkura a?”

Yesu shu.

Yesu ka nu kubɔya na nɛ e kaŋɛ: “Lazɔrɔs be kulɔ ere be lalaloge maŋ la luwu. K la kusɔ nɛ k beeŋ ba bar Ebɔrɛ kemaŋkura nna, saŋɛ na so nɛ ma, Ebɔrɛ Pibinyɛn na e nya kemaŋkura ashi kumo to.”

Yesu ka malga le n loge nɛ e tre awɔrso ŋ kaŋɛ: “Lazɔrɔs, lar m ba!” Ndoŋ nna nɛ ebuni na lar nchaŋ na to m ba nɛ mbe kebuni be ameato kraa mea mo to nɛ kechɛbi ko gba mea mbe anishiakpa. Nɛ Yesu kaŋɛ basa na: “Men saŋɛ n saŋɛ bubuni be ameato na nseŋ shin nɛ e yɔ.”

Ndoŋ nna nɛ Yesu be kagbene naŋ kaa nɛ e ta m ba nchaŋ na akpa. Kumo alɛ daa la kejembulaŋ nna nɛ b ta kejembu kpaŋgalaŋ ko m buu kumo be kɔnɔ so.

Yesu ka malga le n loge nɛ e naŋ kaŋɛ bumo: “An teri Lazɔrɔs bee di, ama mee yɔ nɛ n ya tiŋi mo.”