Popular Bible Verses from Bɔri 15

Share

A k’a fɔ o ye ko: «Ni aw bɛ aw toro malɔ ka Matigi Ala, aw ta Ala kan lamɛn, ko minw terennin lo a ɲa kɔrɔ ni aw bɛ o kɛ, ni aw bɛ aw toro malɔ k’a ta cifɔninw lamɛn, ani k’a ta sariyaw bɛɛ sira tagama, o tuma, ne ka bana minw lase Misirankaw ma, ne tɛna o dɔ si lase aw ma; sabu ne le ye Matigi Ala ye, ne le bɛ aw kɛnɛya.»

«Matigi Ala le ye ne ta baraka ye, ani ne ta dɔnkirila sababu. Ale le ye ne kisibaga ye; ne ta Ala lo, ne bɛ a tando. Ne facɛ ta Ala lo fana, ne bɛ a tɔgɔ bonya.

E! Matigi Ala, batofɛn juman wɛrɛ le bɛ i ko ele? Juman le saninyanin bɛ k’a dafa i ko ele? Juman le ye siranyafɛnba ye, ani a ka kan ni tandori ye, ani a bɛ kabakow kɛ i ko ele?

I ta ɲumanya kosɔn, i ka i ta mɔgɔw kunmabɔ. I ta sebagaya baraka ra, i bɛ bla o ɲa ka taga ni o ye jamana saninman na, i yɛrɛ ka jamana min layiri ta o ye.

O tagara se yɔrɔ dɔ ra, o yɔrɔ tɔgɔ ye ko Mara. Nka o ma se ka o yɔrɔ ji min, sabu ji tun ka kuna. O le kosɔn o ka o yɔrɔ tɔgɔ la ko «Mara». Mɔgɔw ka kɛ Musa mafiyɛnya ye; o ko: «O tuma an bɛna mun le min?» Musa ka Matigi Ala daari kosɛbɛ. Matigi Ala ka yiri kunkurun dɔ yira a ra, ko a ye o firi ji ra. Musa ka o ta ka o firi ji ra, ji diyara. O yɔrɔ le ra Matigi Ala k’a ta sariyaw ni a ta ciw yira o ra. O yɔrɔ kelen le ra fana a ka o kɔrɔbɔ k’a flɛ.