Popular Bible Verses from ມັດທາຍ 16

Share

ແລ້ວ​ພຣະເຢຊູເຈົ້າ​ກໍ​ກ່າວ​ແກ່​ພວກ​ສາວົກ​ວ່າ, “ຖ້າ​ຜູ້ໃດ​ຢາກ​ຕາມ​ເຮົາ​ມາ ໃຫ້​ຜູ້ນັ້ນ​ຕັດ​ສິດ​ຂອງຕົນ, ຮັບ​ແບກ​ໄມ້ກາງແຂນ​ຂອງຕົນ​ແລ້ວ​ຕິດຕາມ​ເຮົາ​ມາ.

ຝ່າຍ​ເຮົາ​ຈຶ່ງ​ບອກ​ວ່າ ເຈົ້າ​ຄື​ເປໂຕ ເທິງ​ສີລາ​ກ້ອນ​ນີ້​ເຮົາ​ຈະ​ສ້າງ​ຄຣິສຕະຈັກ​ຂອງເຮົາ​ຂຶ້ນ ແລະ​ປະຕູ​ແຫ່ງ​ແດນ​ມໍຣະນາ​ຈະ​ເອົາ​ຊະນະ​ຄຣິສຕະຈັກ​ນີ້​ບໍ່ໄດ້.

ເຮົາ​ຈະ​ມອບ​ຂໍ​ກະແຈ​ແຫ່ງ​ຣາຊອານາຈັກ​ສະຫວັນ​ໃຫ້​ເຈົ້າ ສິ່ງໃດ​ທີ່​ພວກເຈົ້າ​ຜູກ​ມັດ​ໄວ້​ເທິງ​ແຜ່ນດິນ​ໂລກ​ນີ້ ສິ່ງ​ນັ້ນ​ຈະ​ຖືກ​ຜູກ​ມັດ​ໄວ້​ໃນ​ສະຫວັນ ແລະ​ສິ່ງໃດ​ທີ່​ພວກເຈົ້າ​ຈະ​ແກ້​ເທິງ​ແຜ່ນດິນ​ໂລກ​ນີ້ ສິ່ງ​ນັ້ນ​ຈະ​ຖືກ​ແກ້​ໃຫ້​ຫລຸດ​ເສຍ​ແລ້ວ​ໃນ​ສະຫວັນ.”

ເພາະ​ຜູ້ໃດ​ຢາກ​ຮັກສາ​ຊີວິດ​ຂອງຕົນ​ໄວ້​ໃຫ້​ພົ້ນ ຜູ້ນັ້ນ​ຈະ​ເສຍ​ຊີວິດ, ແຕ່​ຜູ້ໃດ​ທີ່​ຈະ​ເສຍ​ຊີວິດ​ຂອງຕົນ​ເພື່ອ​ເຫັນ​ແກ່​ເຮົາ ຜູ້ນັ້ນ​ຈະ​ໄດ້​ພົບ​ຊີວິດ​ນັ້ນ.

ຖ້າ​ຄົນ​ໃດ​ຄົນ​ໜຶ່ງ​ຈະ​ໄດ້​ຊັບສົມບັດ​ໝົດ​ທັງ​ໂລກ ແຕ່​ຕ້ອງ​ເສຍ​ຊີວິດ​ອັນ​ແທ້​ຂອງຕົນ ຄົນ​ນັ້ນ​ຈະ​ໄດ້​ປະໂຫຍດ​ອັນ​ໃດ? ຫລື​ຄົນ​ນັ້ນ​ຈະ​ເອົາ​ສິ່ງໃດ​ມາ​ແລກ​ເອົາ​ຊີວິດ​ອັນ​ແທ້ຈິງ​ຂອງຕົນ​ຄືນ​ໄດ້?

ພຣະອົງ​ຖາມ​ພວກເພິ່ນ​ວ່າ, “ແລ້ວ​ພວກເຈົ້າ​ເດ ວ່າ​ເຮົາ​ເປັນ​ຜູ້ໃດ?” ຊີໂມນ​ເປໂຕ​ຕອບ​ວ່າ, “ພຣະອົງ​ເປັນ​ພຣະຄຣິດ ພຣະບຸດ​ຂອງ​ພຣະເຈົ້າ​ອົງ​ຊົງ​ພຣະຊົນ​ຢູ່.”

ພຣະເຢຊູເຈົ້າ​ກ່າວ​ກັບ​ເປໂຕ​ວ່າ, “ຊີໂມນ​ບາຣະ​ໂຢນາ​ເອີຍ ເຈົ້າ​ກໍ​ເປັນ​ສຸກ ເພາະວ່າ​ບໍ່ແມ່ນ​ມະນຸດ​ທີ່​ເປີດເຜີຍ​ຄວາມຈິງ​ນີ້​ໃຫ້​ເຈົ້າ​ຮູ້ ແຕ່​ແມ່ນ​ພຣະບິດາເຈົ້າ​ຂອງເຮົາ​ຜູ້​ຊົງ​ສະຖິດ​ຢູ່​ໃນ​ສະຫວັນ.