Popular Bible Verses from ໂຢຮັນ 20

Share

ພຣະເຢຊູເຈົ້າ​ກ່າວ​ແກ່​ພວກເພິ່ນ​ອີກ​ວ່າ, “ສັນຕິສຸກ ຈົ່ງ​ຢູ່​ກັບ​ເຈົ້າ​ທັງຫລາຍ ພຣະບິດາເຈົ້າ​ໄດ້​ໃຊ້​ເຮົາ​ມາ​ຢ່າງ​ໃດ ເຮົາ​ກໍ​ໃຊ້​ພວກເຈົ້າ​ໄປ​ຢ່າງ​ນັ້ນ.” ເມື່ອ​ກ່າວ​ຈົບ​ແລ້ວ ພຣະອົງ​ໄດ້​ລະບາຍ​ລົມຫາຍໃຈ​ອອກ​ໃສ່​ພວກເພິ່ນ ແລະ​ບອກ​ວ່າ, “ຈົ່ງ​ຮັບ​ເອົາ​ພຣະວິນຍານ​ບໍຣິສຸດເຈົ້າ​ເຖີດ.

ພຣະເຢຊູເຈົ້າ​ກ່າວ​ຕໍ່​ໂທມາ​ວ່າ, “ເພາະ​ເຈົ້າ​ໄດ້​ເຫັນ​ເຮົາ ເຈົ້າ​ຈຶ່ງ​ເຊື່ອ​ບໍ? ຜູ້​ທີ່​ບໍ່​ເຫັນ​ເຮົາ ແຕ່​ໄດ້​ເຊື່ອ​ກໍ​ເປັນ​ສຸກ.”

ແລ້ວ​ພຣະອົງ​ກໍ​ກ່າວ​ຕໍ່​ໂທມາ​ວ່າ, “ຈົ່ງ​ເອົາ​ນິ້ວມື​ຂອງ​ເຈົ້າ​ມາ​ນີ້ ແລະ​ລູບ​ເບິ່ງ​ຝາມື​ຂອງເຮົາ ແລະ​ເອົາ​ມື​ຂອງ​ເຈົ້າ​ແປະ​ຂ້າງ​ຂອງເຮົາ​ດ້ວຍ ຢ່າ​ຂາດ​ຄວາມເຊື່ອ ແຕ່​ຈົ່ງ​ເຊື່ອ.” ໂທມາ​ຕອບ​ພຣະອົງ​ວ່າ, “ພຣະອົງເຈົ້າ​ຂອງ​ຂ້ານ້ອຍ ແລະ​ພຣະເຈົ້າ​ຂອງ​ຂ້ານ້ອຍ.”