Popular Bible Verses from Chivkeeb 25

Share

Tug TSWV has rua Lenpekas tas, “Muaj ob tsaav tuabneeg nyob huv koj plaab; Koj yuav yug tau ob tsaav tuabneeg kws yuav sis tawmtsaam. Ib tug yuav muaj zug tshaaj ib tug, tug tij yuav ua tug kwv qhev.”

hab nwg has rua Yakhauj tas, “Kuv tshaib plaab heev lawm, thov muab koj laujkaub taum lab mivntsiv pub rua kuv noj.” (Tub yog vim le ntawd txhaj muab nwg tis npe hu ua Edoos.)

Vim Lenpekas yeej ibtxwm xeeb tsi taug tub le, Ixaj txhaj thov tug TSWV pub mivnyuas rua Lenpekas. Tug TSWV txhaj teb Ixaj tej lug thov, hab Lenpekas txawm xeeb tub lawm.

Exaus teb has tas, “Ua le los mas! Kuv tub yuav tuag tshaib ntawm nuav, lub nyuas meejmom ua tij yuav muaj qaabhau dlaabtsi rua kuv?” Yakhauj teb has tas, “Koj yuavtsum xub coglug ua ntej rua kuv has tas, koj yuavtsum muab lub meejmom ua tij ntawd rua kuv tsaiv.” Exaus txhaj coglug tseg hab muab nwg lub meejmom ua tijlaug rua Yakhauj.

Thaus kws yug tau tug kwv, tug kwv tuav rawv Exaus lub laujtaws. Yog le ntawd, txhaj tis nwg lub npe hu ua Yakhauj. Ixaj noobnyoog muaj rau caum xyoo rua thaus kws Lenpekas yug tau ob tug tub ntxaib ntawd.

Ixaj nyam Exaus dlua, rua qhov Ixaj nyam noj tej nqaj tsaj qus kws Exaus moog plhob tua tau lug, tabsis Lenpekas nyam Yakhauj dlua.