Popular Bible Verses from Chivkeeb 24

Share

Nwg thov Vaajtswv has tas, “Tug TSWV kws yog kuv tug tswv Anplahaas tug Vaajtswv, thov koj paab kuv kuas kuv teg num tav nub nua, hab ua lawv le tej lug kws koj tau cog tseg rua kuv tug tswv lawm.

Thaus kuv has rua cov hluas nkauj ntawd ib tug tas, ‘Thov txu koj lub hub dlej hab pub mivntsiv dlej rua kuv haus.’ Yog nwg teb has tas, ‘Haus mas, kuv tseem yuav ntaus dlej rua koj cov ntxhuav txhua tug haus hab,’ ces thov kuas tug ntawd yog tug kws koj xaiv rua koj tug tubkhai Ixaj ntaag. Yog qhov nuav tshwmsim, kuv txhaj yuav paub has tas, koj ua lawv le koj tau coglug tseg rua kuv tug tswv lawm tag.”

Ces Ixaj txhaj coj Lenpekas moog rua huv lub tsevntaub kws thaus Xalas kws yog nwg nam nyob, hab Lenpekas tau lug ua Ixaj tug quaspuj. Ixaj hlub Lenpekas heev, txawm yog nwg nam tuag lawm los nwg rov muaj kev kaaj sab tuaj.

Ces puab txawm foom koob moov rua Lenpekas le nuav: “Tug muam, thov kuas koj muaj tub muaj ki ntau txheeb ntau vaam leej; Thov kuas koj cov xeebntxwv txeeb tau puab cov yeebncuab tej nroog!”

Kuv xaav kuas koj coglug rua kuv ntawm tug TSWV kws yog Vaajtswv tug kaav lub ntuj hab lub nplajteb has tas, koj yuav tsi xaiv cov tuabneeg huv tebchaws Kana-aas nuav tej ntxhais lug rua kuv tug tub yuav ua quaspuj. Koj yuavtsum moog rua tim kuv lub qub teb qub chaw hab yuav kuv cov kwvtij ib tug ntxhais lug rua kuv tug tub Ixaj ua quaspuj.”