Popular Bible Verses from Maꞈtehˬ 27

Share

Uˬ ciꞈ uˬ taw naˬ liˬ smˇ laꞈ byah laˇ ngeh, Yeˬsuˇ yaw kʼaˆ-ehˇ guˇ-awˇ, “Eˇliˇ, Eˇliˇ, laˬ maˬ saˬ baˬ taˬ niˬ” lehˇ ehˇ-eu meh. Dawˬ tsuiꞈ-aˬ, “Ngaˬ-euˬ Miˬyehˇ-oˇ, ngaˬ-euˬ Miˬyehˇ-oˇ, aˬ jeˬ miˇ neh ngaˬ-ahˇ byehˇ dzeh nehˬ laꞈ te” lehˇ ehˇ mawꞈ-eu meh.

Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh. Lmˬ bymˇ deuˬ pah laˇ-awˇ, shiˇ dzeuˇ-euˬ Miˬyehˇ-euˬ tsawˇ haˬ gʼawˬ mya gʼaˬ paˇ gʼoꞈ dehꞈ laˇ-euˬ meh.

Yeˬsuˇ tiˬ teˇ paˇ guˇ doˆ laˇ-awˇ, saꞈ tsehˆ leˇ-euˬ meh.

Yeˬsuˇ-ahˇ loꞈ luꞈ-eu yehˇ kʼoeˇ deuˬ hawˇ-eu yehˇ kʼoeˇ deuˬ-ahˇ uˆ lahˇ-eu yaw huiˬ gʼaˬ, miˇ luˆ luˆ-eu hawˇ-eu kʼaˇ pyeuꞈ laˇ-euˬ yawˬ jeˬ na luꞈ-ahˇ ya mawˇ ngeh, guˆ dui dui laˇ-awˇ, “Tsawˇ haˬ heu gʼaˬ maˇ maˇ ni Miˬyehˇ-euˬ Zaˬmaˇ ngaˇ” lehˇ ehˇ-eu meh.

Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

Sahˬ paˬ Piˇlaˆ ehˇ-eu, “Toˆ-ehˇ jeˬ maˇ-iˬ, Ka li lehˇ kuˇ-eu Yeˬsuˇ-ahˇ ngaˇ aˬ joˆ-ehˇ jahˇ nmˇ.” Aˬ yawꞈ maꞈ dawˬ tawˆ luꞈ ehˇ-eu, “Laꞈ yaꞈ kʼoeˇ taˆ taꞈ sehꞈ-awˬ.” Sahˬ paˬ Piˇlaˆ ehˇ-eu, “Aˬ jeˬ miˇ neh aˬ yawꞈ-ahˇ sehꞈ mawꞈ-eu nya. Aˬ yawꞈ mˇ lehˬ taˬ-euˬ aˬ jeˬ jaˆ ta.” Aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Aˬ yawꞈ-ahˇ laꞈ yaꞈ kʼoeˇ taˆ taꞈ sehꞈ-awˬ.”