Popular Bible Verses from Yaˬkoˆ 2

Share

Kʼoeˇ miˇ neh, jah-eu jeˬ-aˬ, mˇ-eu shaˇ-eu jeˬ maˬ ahˇ naˇ, shiˇtaˬ-euˬ gaˇ duˇ-eu meh.

Kʼoeˇ baˬ da neh, saꞈ laˇ maˬ ahˇ-eu gʼawˇ mawˇ-aˬ, yaw shiˇ pyeuꞈ-eu loꞈ-ehˇ, mˇ-eu shaˇ-eu jeˬ maˬ ahˇ-eu jah-eu jeˬ kʼawꞈ, yaw shiˇ meh.

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na jah ma lehˇ ehˇ kʼawꞈ, maˬ mˇ maˬ shaˇ naˇ, aˬ jeˬ gaˇ dahˇ tsoeˬ nmˇ. Jah-eu kʼoeˇ neh aˬ yawꞈ-ahˇ ka kʼoꞈ nehˬ nya tehꞈ-a loˇ.

Miˬyehˇ tiˬ gʼaˬ tehꞈ-ehˇ jawˇ-eu meh lehˇ nawˇ jah-eu miˇ neh maˬ gaˇ dzehˬ ma lehˇ noeˬ te loˇ. Nehꞈ deuˬ kʼawꞈ kʼoeˇ loꞈ-ehˇ jah-awˇ, guˆ guˆ-ehˇ yaw dzuˬ dzuˬ luꞈ meh.

“Tiˬ gʼaˬ-ahˇ jah-eu jeˬ oꞈ-awˇ, tiˬ gʼaˬ-ahˇ mˇ-eu jeˬ oꞈ-eu meh” lehˇ, tsawˇ haˬ tiˬ gʼaˬ na ehˇ tehꞈ-a. Mˇ-eu shaˇ-eu jeˬ maˬ ahˇ-eu nawˬ-euˬ jah-eu jeˬ ngaˬ-ahˇ mehˬ nehˬ laꞈ sheˇ. Ngaˇ-aˬ, mˇ-eu shaˇ-eu laꞈ kʼoeˇ ngaˬ-euˬ jah-eu jeˬ nawˬ-ahˇ mehˬ nehˬ ma.

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Nymˬ-mˇ poˆ jawˇ-aˬ, tsawˇ haˬ tiˬ gʼaˬ Miˬyehˇ-ahˇ tsaˬ leˇ tsahˇ leˇ nya-eu-aˬ, jah-eu tiˬ jeˬ baˬ da neh tehꞈ-ehˇ maˬ ngeuˇ-ehˇ, mˇ-eu shaˇ-eu jeˬ kʼawꞈ ahˇ-eu baˬ da neh tsaˬ leˇ tsahˇ leˇ nya-eu meh lehˇ naw maꞈ-ahˇ siˬ duˬ laˇ miˇ-a loˇ.

Aˬ yawꞈ-euˬ jah-eu jeˬ hawˇ-eu aˬ yawꞈ neh mˇ-euˬ shaˇ-euˬ jeˬ tiˬ gaˇ taꞈ-eu kʼoeˇ, nawˇ maˬ haw mawˇ nya te loˇ. Aˬ yawꞈ-euˬ jah-eu jeˬ-aˬ, aˬ yawꞈ neh mˇ-euˬ shaˇ-euˬ jeˬ laꞈ kʼoeˇ byah laˇ-euˬ meh.