Popular Bible Verses from Gʼaˬkʼehˇ 17

Share

Miˬyehˇ-ahˇ laꞈ sawˆ sawˆ sawˆ-ehˇ poˆ naˇ, sawˆ zaˬ-awˇ poˆ mawˇ nya ni, kʼoeˇ loꞈ-ehˇ beh taˬ nehˬ-euˬ jeˬ pyeuꞈ-eu meh. Kʼoeˇ loꞈ-ehˇ ehˇ-eu kʼawꞈ, Miˬyehˇ-aˬ, aˬ dui yawˬ gʼaˬ na luꞈ nehˬ-ehˇ gaˇ mahˇ kaˬ-eu maˬ ngeuˇ-a.

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ beh-euˬ yaw sahˇ Miˬyehˇ-aˬ, Mˬsahˇ Sahˬpaˬ Miˇsahˇ Sahˬma pyeuꞈ-awˇ, tsawˇ haˬ zaˬ-euˬ aˬ laꞈ neh tsoˆ-euˬ uˬ duˬ tahˬ nymˇ-ahˇ uˇ-eu maˬ ngeuˇ-a.

Aˬ jeˬ miˇ neh ehˇ naˇ, aˬ yawꞈ neh tseˇ doˆ-euˬ tsawˇ haˬ-ahˇ gʼoe-awˇ, miˇ tsaˬ heu dawˬ tawˆ luꞈ-ahˇ yaw tsaˬ yaw dawˇ jeˬ neh yaˇ kʼaˬ daˇ-eu gʼaˇ duˬ, Miˬyehˇ neh toꞈ taˬ-euˬ aˇ nah tiˬ nah jaˆ meh. Tsawˇ haˬ kʼoeˇ gʼaˬ-ahˇ shiˇ-euˬ gaˇ paˇ bi gʼoꞈ dehꞈ laˇ-eu laꞈ kʼoeˇ, aˬ yawꞈ neh kʼoeˇ loꞈ-ehˇ lehˬ hmˬ taˬ-euˬ jaˆ-eu gaˇ kawˆ, tsawˇ haˬ dawˬ tawˆ luꞈ-ahˇ bi siˬ duˬ-euˬ meh.”

Aˬ dui-aˬ, Miˬyehˇ-euˬ zaˬ pyeuꞈ-eu miˇ neh, Miˬyehˇ-aˬ, tsawˇ haˬ zaˬ-euˬ zaˬ siˬ tsawˇ gahˇ neh noeˬ doˆ-awˇ jahˇ taˬ-euˬ shuiˇ mawˇ kawˇ, pyuˇ mawˇ kawˇ, kʼaˬ lo mawˇ kawˇ heu deuˬ-ahˇ duˇ tehꞈ-a lehˇ aˬ dui noeˬ-eu maˬ tsaˬ-a.