Popular Bible Verses from PILIPI 1

Share

Kinorohingan i' o minonimpuun di karaja' dot osonong dot id suang dokoyu, om monongkuyaan oku i' do potilombuson dau i karaja'ddi do gisom dot opongo do tontok do Tadau'd Korikatan kawagu di Kristus Yesus.

Iti no o sambayang ku do bagi' dokoyu i pokionuon ku no do muhang-ruhang o kosianan om toilaan dokoyu do pasal dit ongotopot, om pokionuon ku dot aralom o toilaan dokoyu. Om koilo kou indo do momili' dit osonong kopio om oidu' indo do mantad id koposi-posion dokoyu o koinsanai dit araat om i kapasalaan di poingkuro nopo do tontok do tadau'd korikatan kawagu di Kristus.

Tu' iyoho' nopo do poimpasi om dong Kristus noo do koposion ku! Om apatai oku piya nga' haro i' o kountungan ku.

Pointikid-tikid dot osorou ku iyokoyu, om mongunsikou kasai' oku nopod Kinorohingan.

Om iri nopo it apatut kopio do wonsoyon dokoyu do dinondo om poontokon dokoyu di ponuhuan di Habar dot Osonong do pasal di Kristus o kowoyo-woyoon dokoyu. Om ondung iyo'ddi, om kosolowot oku tuu dokoyu ko' amu' nga' korongou oku i' dot ogirot o piuludan dokoyu om mogiuuhup do rumikot dot id iso' o rikoton om iso-iso' o korohian; iri no tu' poingimpou o kotumbayaan dot id Habar dot Osonong di mantad id Kinorohingan.

Iri nopo i korohian kopio ku om i soro-sorohon ku om a' ku daa otongkiadan i karaja' ku. Suwai ko' mogondos oku nogi' do pointikid do maso, om okon-okon po om dinondo, dot osiou oku om aayi-ayi' o ginawo ku do maso ku tuu do poimpasi ko' poimpatai po do popoinggayo do Kristus.

Tu' noonuan kou nod Kinorohingan do nipuhawang dot okon nopo ko' monongkuyaan no di Kristus, nga' oinggorit nogi' do bagi di Kristus.