Popular Bible Verses from IPOSUS 6

Share

Tu' okon i' ko' tulun i ponokisaap toko', suwai ko' monokisaap toko' di kuasa' do koinsanai do rogon di momorinta' do maso dot araat diti. Om monokisaap toko' di kuasa' di rusod dit angaraat di momorinta' do hilo'd tawan.

Om wonsoyon ngai' no dokoyu iri do mikuwo'd sumambayang do mokiuhup do Kinorohingan. Om sumambayang kasai' kou no do pointikid-tikid do maso do tumanud dit ituduk do Rusod do Kinorohingan dot id dokoyu. Om sumodia' kasai' kou no om kada' kou pokiala'. Om sumambayang kasai' kou no do bagi' do koinsanai'd tulun di songonuon do Kinorohingan.

Om pakayo' ngai' no dokoyu o koinsanai di rapo-rapo do monokisangod, i pinatahak do Kinorohingan dot id dokoyu, om okoris kou i' do sumaap do koinsanai do toilaan do Rogon dit araat.

Iyo nopoddi, om pakayo' ngai' no dokoyu i rapo-rapo do monokisangod di dong Kinorohingan, om okoris kou i' do monokisaap do pisangod dokoyu do tontok di tadau dot araat. Om tontok piya'ndo di kopongo kou do monokisangod nga' okoris kasai' kou i'.

Om pakayon kasai' no i kotumbayaan dokoyu dot id Tuhan do monikid do maso do ponokokolid; om iri no i kotumbayaan dokoyu'ddi o milo do momisok di pana' di kitapui, i mantad id di Yaraat. Pakayon no i koposion do ponokotupi' kolidar, om i boros do Kinorohingan o panakagayang do mantad id Rusod do Kinorohingan.

Iyo nopoddi, om sumodia' kou no kopio! Om pakayon no dokoyu i kotorodoko' dot id Kinorohingan do panakatagkos, om i kotulido' o panakarasuk do basi' di don sumasangod. Om i korohiano' dokoyu do mongoi popinsusui do Habar dot Osonong di manahak do kosimbayanan do ginawo'd tulun o panakakasut dokoyu.

Iti no o poboroson ku dokoyu dot id tohuri no, iri no tu' kokoris kou no kasai' dot i kokorisan di naanu dokoyu do mantad id kuasa'd Tuhan o popokoris, tu' nokoiso' kou no dot id Tuhan.

“Pusohon no o tapa' om tina' nu,” ka di ponuhuan do Kinorohingan dit id gulu kopio do noputan do batos do poingkaa, “Om osimbayan ko i' om otogui ko do hiti'd pomogunan,” ka.

Oi tangaanak! Umboyo' kou no do boros do molohing dokoyu, tu' iri no ot apatut do wonsoyon dokoyu i tumatanud do Kristus.