Popular Bible Verses from KINAWANSAYAN 24

Share

Om sambayang noddi i susuhuon diri do poingkaa, “Oi TUHAN, i Kinorohingan di Abraham, i tuan ku, tulungo' oku no om haro i' o kootuson diti karaja' ku do tadau'd baino', om igitai no kasai' i batos nu dot id tuan ku.

Om moro-boros oku nondo dot id iso' diyolo' do poingkaa, ‘Potimbouko' daa ino timbauk nu, om poinumon oku po,’ kangku nondo. Om sumimbar nopo iyau dot, ‘Na, inum no; om ino unta nu nga' ongoyon ku i' onuwai'd waig,’ ka, om iri no i tondu'ddi o pilion nu do maan do sawo di Isak, i susuhuon nu. Om ondung owonsoi o miagal diri, om oilaan ku nondo do poingigit nu i' i batos nu dot id tuan ku,” ka dau.

Om angatai no di Isak i Robika do sumuang do hiri'd kiim di niyon di Sara, i tina' dau, di gulu po. Om i Robika noddi o nosiliu do sawo dau. Om osianan tomod i' i Isak di Robika, om noinsasamadan noddi kopio iyau, do mulong piya do tumongob daa iyau tu' napatai no i tina' dau.

Om barakatai noddi diyolo' i Robika diti boros do poingkaa, “Maha' daa om osiliu ko, oi Robika, do tina' do jutaan o tulun, maha' daa om angaala' di sinakagon nu i kabandaran do pisangod diyolo',” ka.

Pokionuon ku do sumumpa' ko dot id suang do ngaran do TUHAN, i Kinorohingan, i momorinta' do tawan om pomogunan, dot a' nu pogihuman do sawo ilo tanak ku dot id pogialatan do tulun do hiti'd Kanaan. Nga' mositi' no do gumuli' ko do hilo'd pomogunan do kinosusuon ku, om hilo' no o pogihuman nu do sawo di Isak, i tanak ku do kusai'ddi. Pogihuman no doho' iyau do sawo dot id pogialatan di koworisan ku,” ka dau.