Popular Bible Verses from Winonsoi Di Rasu 5

Share

Om boros ka di Pitrus om i piro-piro tulun di sinuhu'd suwai do suminimbar, “Kinorohingan no ot apatut dahai'd umboyoon, om okon i' ko' tulun.

Om monuduk kasai' nopo iyolo' do pointikid-tikid do tadau do hiri'd Walai'd Sasambayangan dot Agayo, om hiri'd piro-piro walai'd tulun. Iri nopo i potudukon om i popinsusuyon diyolo'ddi om i Habar dot Osonong dot i Yesus no i Raja' do Gampamasi di pinabatos diri.

Om boros kaddi di Pitrus dot id dau, “Oi Ananias, nokuro tu' pinologos nu o rogon do momorinta' do ginawo nu, gisom do minongudut ko dot id Rusod do Kinorohingan, tu' lisok-lisokon nu i' do manganu i songintanga' di tusin di gatang di tana' nu? Okon toi ko' diya' iddi tana'ddi, dit a' nu po nakadagang? Om diri piya di nakadagang nu no i tana'ddi nga' diya' kasai' po di tusin. Om nokuro tu' minomusorou ko do momonsoi'd miagal diri? Om okon i' ko' tulun o pinongudutan nu'ddi, nga' Kinorohingan,” ka. Om korongou poddi di Ananias i boros diri, om kohunduk no iyau, om kapatai no. Om moddosi ngai' nopoddi i tulun do nokorongou di nosiliu do miagal diri.

Om iti noddi nosiliu'd baino', om poingkaa o doho'd nosihat: Kada' dokoyu kuroi-kuroyo' i tulun diri, suwai ko' pologoson nopo iyolo'. Tu' mantad nopo dot id tulun i ponudukan om i pingwonsoyon diyolo' om tumanus indo i ponudukan om i wonsoyon diyolo'ddi do koimbagu. Nga' mantad nopo dot id Kinorohingan om a' kou i' kaala' diyolo'. suwai ko' kointalang nogi' doti' do sumaap kou'd Kinorohingan,” ka dau. Om tonudo' no di tulun di momutus diri i pinoboros di Gamaliol.