Popular Bible Verses from Winonsoi Di Rasu 4

Share

I Yesus noo o milo'd mamasi'd tulun. Tu' pointongkop nopo diti pomogunan dot id pogialatan do tulun om aiso' no ot ongoiso' piya'd tulun do suwai do nakaanu do kuasa' do mantad id Kinorohingan do mamasi dati',” ka di Pitrus.

Om kasambayang poddi iyolo', om koguyu' nopo i niyonon diyolo'd tuminimung. Om koporinta' ngai' noddi iyolo' do Rusod do Kinorohingan, om angkatama' tomod diri iyolo' do popinsusui di boros do Kinorohingan.

Intangai pogi' o pomorolosi diyolo' dahai do baino'dti, oi Tuhan. Om pologoso' no iyahai i susuhuon nu dot a' moddosi do popinsusui di boros nu.

I Yesus no o komoyon dit ayat dot id suang do Buuk do Kinorohingan diri do poingkaa, ‘Iri nogi' i watu di niadaan dokoyu, iyokoyu i mamamaal do walai, o nosiliu do watu dot agayo kopio o guna',’ ka.

Om ongosuayan ngai' nopoddi i tulun di hiri'd suang di pitimungan do momumutus do nokokito di Pitrus om i Yohanis do katama' tomod, om okon-okon poddi di nokoilo iyolo' dot iri nopo i duwo o tulun di sinuhu'ddi om tulun i' toomod om aiso' i' o sikul. Om kotutunai nogiddi diyolo' dot iri nopo duwo o tulun do sinuhu'ddi nga' i tulun di minoyo' di Yesus.

Om iso-iso' nopoddi o ginawo om pomusorou do koinsanai di tulun di nongotumbayaan diri. Om aiso' no tiso' diyolo' do momusorou dot iyau no o sanganu di haro dot id dau. Om sogiyaan nopo diyolo' o nunu nopo i haro dot id diyolo'.