Popular Bible Verses from སྡེབ་ཐོན 9

Share

འོན་ཀྱང་ངའི་མཐུ་དང་ནུས་པ་མཐོང་ཐུབ་པའི་ཕྱིར་ངས་ཁྱོད་ཚོར་གསོན་པོར་གནས་བཅུག་པ་ཡིན། དེ་བཞིན་ངའི་སྙན་གྲགས་འཛམ་གླིང་ཡོངས་སུ་དར་བའི་ཕྱིར་དུ་ཡིན་ནོ།

གཙོ་བོ་དཀོན་མཆོག་གིས་མོ་ཤེ་ལ་གསུངས་པ། ཁྱོད་རང་རྒྱལ་པོའི་རྩར་ཕྱིན་ནས། ཨིབ་རི་པའི་དཀོན་མཆོག་གཙོ་བོ་དཀོན་མཆོག་གིས་གསུངས་པ། ངའི་མི་དམངས་རྣམས་ང་ལ་བསྙེན་བཀུར་བྱེད་ཕྱིར་གཏོང་ཞིག

གལ་ཏེ་ངས་རང་གི་ལག་པ་བརྐྱངས་ནས་ཁྱོད་དང་ཁྱོད་ཀྱི་འབངས་རྣམས་ཀྱི་ཐོག་ཏུ་རིམས་ནད་གཏོང་བ་ཡིན་ན། ཁྱོད་ཚོ་ཆ་ཚང་འཇིགས་པར་ངེས་སོ།

ངས་ཁྱོད་ཀྱི་དུད་འགྲོ་རྟ་དང་བོང་བུ་དང་རྔ་མོང་དང་བ་གླང་དང་ར་ལུག་སོགས་ལ་རིམས་ནད་དྲག་པོ་ཞིག་བཏང་ནས་ཁྱོད་ལ་ཆད་པ་གཏོང་རྒྱུ་ཡིན། ངས་ཨིསི་རཱཨེལ་པ་རྣམས་ཀྱི་དུད་འགྲོ་དང་། ཨི་ཇིབ་པ་རྣམས་ཀྱི་དུད་འགྲོའི་བར་ལ་ཁྱད་པ་ཞིག་དབྱེ་སྟེ། ཨིསི་རཱཨེལ་པ་རྣམས་ཀྱི་དུད་འགྲོའི་ནང་ནས་གཅིག་ཀྱང་ཤི་མི་ཡོང་།

ངས་དུས་ཚོད་དེ་རང་ལ་སེར་བ་ཧ་ཅང་དྲག་པོ་ཞིག་འབེབས་རྒྱུ་ཡིན། དེ་ལྟར་སེར་བ་ཨི་ཇིབ་ཀྱི་རྒྱལ་རབས་ནང་ནམ་ཡང་འབེབས་མེད་དོ། ད་ཕྱི་རུ་ཐང་ཀར་ཡོད་པའི་ཕྱུགས་ཟོག་ཚང་མ་དང་ཕྱི་རུ་ཇི་ཡོད་པ་ཚང་མ་ནང་དུ་བཀོང་བའི་བཀའ་གཏོང་ཞིག ཕྱི་ལོགས་སུ་ལུས་པའི་མི་དང་དུད་འགྲོ་ཚང་མ་སེར་བས་བརྡུང་ནས་ཤི་ཡོང་།

གོ་ཐལ་དེ་ཨི་ཇིབ་ཀུན་ཏུ་ཐལ་བར་འགྱུར་ཞིང་། དེའི་རྐྱེན་གྱིས་ཨི་ཇིབ་གྱི་མི་དང་དུད་འགྲོ་གཉིས་ཀ་གཉན་འབུར་ཐོན་ནས་རྨ་ཆགས་ཡོང་ཞེས་བཀའ་གནང་ངོ་། དེར་བརྟེན་དེ་ཚོས་གོ་ཐལ་ཕྲན་བུས་བླངས་ནས་རྒྱལ་པོའི་མདུན་དུ་ལངས་ཏེ།་ མོ་ཤེས་དེ་རླུང་ལ་གཏོར་བ་དང་། མི་དང་དུད་འགྲོའི་སྟེང་གཉན་འབུར་ཐོན་ནས་རྨ་ཆགས་སོ།