Popular Bible Verses from སྡེབ་ཐོན 10

Share

དེ་ནས་གཙོ་བོ་དཀོན་མཆོག་གིས་མོ་ཤེ་ལ་གསུངས་པ། རྒྱལ་པོ་ལ་ཐུགས་འཕྲད་བྱེད་ཕྱིར་སོང་ཞིག ངས་ལྟས་དེ་དག་བསྟན་པའི་ཕྱིར་ཁོང་དང་ཁོང་གི་ལས་བྱེད་པ་ཚོའི་སེམས་གྱོང་རུ་བཏང་ཡོད། ངས་ལྟས་བསྟན་ནས་ཨི་ཇིབ་པ་རྣམས་ལ་ཛི་ལྟར་གླེན་པ་བཟོས་པའི་སྐོར། ཁྱོད་ཀྱིས་རང་གི་ཕྲུ་གུ་རྣམས་དང་ཚ་བོ་ཚ་མོ་རྣམས་ལ་བཤད་ཐུབ་པའི་ཕྱིར་དང་། ང་ནི་གཙོ་བོ་དཀོན་མཆོག་ཡིན་པ་དེ་ཚང་མས་ཤེས་ཐུབ་པའི་ཕྱིར་ཡིན་ནོ་ཞེས་གསུངས་སོ།

དེ་ནས་གཙོ་བོ་དཀོན་མཆོག་གིས་མོ་ཤེ་ལ། རང་གི་ལག་པ་གནམ་གྱི་ཕྱོགས་སུ་རྐྱོངས་ཤིག་དང་། ཨི་ཇིབ་དུ་མུན་ནག་དྲག་པོ་ཞིག་ཁྱབ་པའི་ཕྱིར་རོ་ཞེས་བཀའ་གནང་བ་དང་། མོ་ཤེས་རང་གི་ལག་པ་ནམ་མཁའི་ཕྱོགས་སུ་བརྐྱངས་པས། ཨི་ཇིབ་ཀུན་ཏུ་ཉིན་ཞག་གསུམ་གྱི་བར་དུ་མུན་ནག་དྲག་པོ་ཞིག་ཁྱབ་བོ། ཨི་ཇིབ་པ་ཚོས་གཅིག་གིས་གཅིག་ལ་མཐོང་མ་ཐུབ་པ་དང་། ཉིན་ཞག་གསུམ་བར་དུ་སུས་ཀྱང་རང་གི་ཁྱིམ་མ་སྤངས་སོ། འོན་ཀྱང་ཨིསི་རཱཨེལ་པ་ཚོ་བསྡད་པའི་གནས་དེར་འོད་ཡོད་པ་ཡིན་ནོ།

དེར་བརྟེན་མོ་ཤེས་རང་གི་འཁར་རྒྱུག་དེ་བརྐྱངས་པ་དང་། གཙོ་བོ་དཀོན་མཆོག་གིས་ཤར་ཕྱོགས་ནས་དེ་ཉིན་དང་མཚན་གང་རླུང་འཚུབ་ཞིག་གཏོང་བ་གནང་ཞིང་། སང་ཞོག་སྔ་པོར་རླུང་འཚུབ་དེས་ཆ་ག་འབུ་རྣམས་འཁྱེར་ཡོང་ངོ་། ཆ་ག་འབུའི་ཚོགས་ཆེན་པོ་ཞིག་ཡོང་ནས་ཡུལ་ཡོངས་སུ་བསྡད་དོ། དེ་ལྟ་བུའི་ཆ་ག་འབུའི་ཚོགས་ཆེན་པོ་ནི་སྔོན་ཆད་ཀྱང་མ་བྱུང་ཞིང་། ཕྱིན་ཆད་ཀྱང་ནམ་ཡང་འབྱུང་མི་ཡོང་།