Popular Bible Verses from मत्ती 21

Share

यदि विश्‍वास गर्‍यौ भने प्रार्थनामा जे मागे पनि तिमीहरूले त्‍यो पाउनेछौ।”

येशूले जवाफ दिनुभयो, “साँच्‍चै म तिमीहरूलाई भन्‍छु, तिमीहरूले कति पनि शङ्का नगरी विश्‍वास गर्‍यौ भने नेभाराको रूखलाई मैले गरेजस्‍तै गर्न सक्‍छौ र त्‍यति मात्र होइन, तिमीहरूले यस पहाडलाई ‘यहाँबाट हटी समुद्रमा खस्’ भन्‍यौ भने पनि त्‍यस्‍तै हुनेछ।

येशूको अघि र पछि हिँड्‍ने सबै मानिसहरूले यसो भन्‍दै जयजयकार गर्न थाले, “दाऊद-पुत्रको जय होस्! परमप्रभुको नाउँमा आउनुहुने कति धन्‍य हुनुहुन्‍छ! सबैभन्दा माथि स्‍वर्गमा हुनुहुने परमेश्‍वरको जयजयकार होस्!”

अनि उहाँले तिनीहरूलाई भन्‍नुभयो, “धर्मशास्‍त्रमा यस्‍तो लेखिएको छ– ‘मेरो घर प्रार्थनाको घर कहलिनुपर्छ।’ तर तिमीहरूले त यसलाई डाकुहरूको ओडार पो बनाएका छौ!”

“सियोनका बासिन्‍दाहरूलाई भनिदेओ, ‘हेर, अब तिमीहरूका महाराजा तिमीहरूकहाँ आउँदै हुनुहुन्‍छ, उहाँ नम्र भएर गधामा चढेर आउँदै हुनुहुन्‍छ, उहाँको सवारी गधाकै बछेडामाथि हुँदै छ’।”

तब येशूले तिनीहरूलाई सोध्‍नुभयो, “के तिमीहरूले धर्मशास्‍त्रमा लेखिएको यो कुरा पढेका छैनौ?– डकर्मीहरूले काम लाग्‍दैन भनेर फ्‍याँकेको ढुङ्गा नै घरको जग बसाल्‍दाखेरि मुख्‍य ढुङ्गा बन्‍न आयो। त्‍यस्‍तो त प्रभु परमेश्‍वर आफैंले हुन दिनुभएको हो, यो कति अचम्‍मको काम रहेछ!

“त्‍यसैले म तिमीहरूलाई भन्‍छु, परमेश्‍वरको राज्‍य अब तिमीहरूबाट खोसेर फल फलाउने अर्को एक जातिलाई दिइनेछ।