Popular Bible Verses from हिब्रू 4

Share

परमेश्‍वरको वचन त काम गरिरहने र जिउँदो छ। यो दुईधारे तरवारभन्दा पनि धारिलो छ। यसले भित्र पुगी प्राण र आत्‍मालाई छुट्‌याइदिन्‍छ। जोर्नी र मज्‍जालाई अलग पारिदिन्‍छ। परमेश्‍वरको वचनले मानिसहरूको हृदयको विचार र चाहनालाई केलाएर जाँच गर्छ।

त्‍यसो हुँदा हामीले पटक्‍कै डर नमानी परमेश्‍वरको सिंहासनअघि जाऔं। त्‍यहाँ खाँचो परेको बेला हामीले कृपा र अनुग्रह पाउनेछौं।

हाम्रा प्रधान पूजाहारी हाम्रो कमजोरीलाई बुझिदिन नसक्‍ने पूजाहारी हुनुहुन्‍न। हाम्रा पूजाहारी पापले फसाउने सबै कुरामा हामीजस्‍तै जाँचिनुभयो, तर पाप गर्नुभएन।

परमेश्‍वरले देख्‍न नसक्‍ने कुनै कुरा छैन। उहाँका अघि सबै कुरा खुल्‍ला छन् र छर्लङ्गै देखिन्‍छन्। उहाँलाई नै हामी आफैंले गरेका कामको लेखा दिनुपर्छ।

यसकारण हामीले मान्‍दैआएको विश्‍वासमा अझ दरिलो भएर बसौं किनभने स्‍वर्गमा जानुभएका परमेश्‍वरका पुत्र येशू नै हाम्रा महान् प्रधान पूजाहारी हुनुहुन्‍छ।

त्‍यसो हुँदा त्‍यस विश्रामको ठाउँमा पस्‍न सक्‍दो कोसिस गरौं र हामी कोही पनि अविश्‍वासको कारणले अट्टेरी भएका मानिसहरूजस्‍ता छोडिनेछैनौं।