Popular Bible Verses from Pilipi 4

Share

Anang irauka utai, tang dalam semua utai, bantaika semua peminta kita ngagai Allah Taala ngena sampi, sampi peminta, enggau sampi terima kasih.

Lalu pemaik Allah Taala, ti ngelui peragam mensia, deka nyaga ati enggau runding kita dalam Jesus Kristus.

Ke pengujung iya, menyadi, perundingka utai ti bendar, ti manah, ti lurus, ti tuchi, ti badas, ti nelap, ti pemadu menyana, ti tau dipuji.

Aku ulih ngereja semua utai ulih Iya ke meri aku pengering.

Seruran gaga ati dalam Tuhan. Aku nandu nya baru: awakka kita gaga ati!

Lalu Allah Taala aku, deka meri semua utai ti dipeguna kita, nitihka pengaya mulia Iya dalam Jesus Kristus.

Kereja semua utai ti udah dipelajar, udah diterima, udah didinga, udah dipeda kita kereja aku; lalu Allah Taala ti meri pemaik deka meruan enggau kita.

Awakka semua orang nemu penyiru kita. Tuhan nyau semak.

Aku nemu reti asai suntuk, lalu aku mega nemu reti asai mayuh utai. Dalam semua utai, aku udah nemu chara ti resia kena aku napi maya aku kenyang tauka lapar, maya aku mayuh utai tauka suntuk.

Ukai reti nya aku beserabanaka penyuntuk diri, laban aku udah belajar nemu puas ati, nemuka aku suntuk tauka enda.