Popular Bible Verses from Pilipi 3

Share

Menyadi, aku ukai ngumbai diri udah bulih prais nya. Utai ti dikereja aku nya, aku badu agi ngingatka utai ti udah, lalu bebendar ngulihka utai ti di mua. Aku majak belanda terus ngagai adan, ngulihka prais, iya nya kangau Allah Taala, ulih Jesus Kristus, ke mai aku ke serega.

Aku ingin deka nemu Kristus, sereta nemu kuasa pengangkat Iya ari mati, lalu sama enggau Iya ngasaika pemerinsa Iya, lalu nyadi sebaka enggau Iya dalam pemati Iya, ngambika, enti ulih, aku diangkatka idup baru ari mati.

Lebih agi ari nya, aku ngira semua utai pengerugi magang enti dibandingka enggau utai ti lebih agi beguna, iya nya nemu Jesus Kristus Tuhan aku. Ketegal Iya, aku udah muai semua utai, lalu ngira semua utai nya uras magang, ngambika aku tau bempu Kristus

Tang semua penguntung ti udah ulih aku suba, diatu dikumbai aku pengerugi magang, ketegal Kristus.