Popular Bible Verses from 'Make 16

Share

'De or :wlu 'de on bo, or 'dae:, A mu 'bluhba⧾-a' klehkpeh ken dih, a 'ye Nyorsoa-a' tubo-wlu:⧾ 'jeh po 'de :gwlor-nyor⧾-a' klehkpeh bo.

Nyor⧾ :on po-ih-a dhih 'jeh-', :yee' an mu 'kpih 'ble-: on 'ye nyor⧾ 'di dih 'ma-dih-deh⧾ no. An mu nyor⧾ 'kwla 'ye-dih-deh⧾ 'de :za, 'de 'an 'nyne 'di, :yee' an mu wlu⧾ :dele' :po. :Mor on kpon sehn dih, eh :se-uh' deh-' :no-dih: i. :Mor on di :nyor⧾ 'dba-deh, eh :se-uh' deh-' :no-dih: i :ke. An mu puhba-nyor⧾ son⧾ ken dih :tba, :yee' an mu 'puh-:.

Nyor :or po-ih-a dhih 'jeh-', 'de :or :po-a 'ni 'dlu, :yee' or mu 'puh-:, jorwor: nyor :or se-a dhih 'jeh-' po, :yee' or mu gbe :zie:.

:Yeh or mu-a, :yee' or-a'a: bo :na-nyor⧾-a mu deh⧾-' dih, an po Nyorsoa-a' tubo-wlu⧾. :Yeh an po-ih-a, :yee' :Gwlor :baa' :yi-dih-uh-', 'de or :ne an no-dih :koan :dha :due'. Or :to-dih-eh nyor⧾ 'i :ka or-a' tubo-wlu:⧾ on po-a, en :se-a sih, 'do nyor⧾ 'di dih 'ma-dih-deh:⧾ an no-a, 'do en-' dha.]

'De or :wlu 'de on bo, or 'dae:, A 'bor, :fano: :ple-eh. 'On yubo-eh' :Yusu' :or 'wluh-a 'Nazla, on :kor-dih:-a 'o tu 'i, or-: 'o, a 'bhorn 'kwla⧾-' dih. Or se :daa :ne, or :sorn-' 'weh. A pobo: :dha on 'pehn-dih-or dih :dee' ya.

:Yeh on nyni-a 'o, 'de on pobo:-a 'o, :yee' on 'ye sobu' :kolu' :dao', on klibo-eh: 'for bo. :Yeh an pa-a 'de nma-dih-deh 'di, :yee' on 'ye 'yu :due', or-: :dhe dih 'do :dila bo ka, or-: pa :gba 'vuu-plu-'. :Yeh on 'ye-or, :yee' deh 'wla 'de on 'di dih.